កំពង់ធំៈបុរសស្រវឹងវ័យជាង៣០ឆ្នាំម្នាក់ត្រូវបានកម្លាំងកងរាជអាវុធហត្ថខេត្តកំពង់ធំ ចាប់ឃាត់ខ្លួនបញ្ជូនទៅកាន់តុលាការខេត្ត បន្ទាប់ពីស្រវឹងស្រា ហើយប្រើអំពើហឹង្សាទៅលើប្អូនៗនឹងវាយច្របាច់ករឪពុកខ្លួនឯងបង្កើត កាលយប់ថ្ងៃទី១២ខែកក្តដាឆ្នាំ២០១៦ នៅក្នុងភូមិ ព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ។
ប្រភពព័ត៍មានពីក្រុមគ្រួសារខាងលើនេះបានបង្ហើបឲ្យដឹងថា! ជនបង្កហេតុម្នាក់នេះបានប្រើអំពើហឹង្សាទៅលើប្អូនជាច្រើនដងមកហើយតែក្រុមគ្រួសាមិនបានប្តឹងទេ ព្រោះឪកាសឲ្យជនបង្កម្នាក់នេះ កែខ្លួន រហូតដល់ជនបង្កម្នាក់នេះបានប្រពន្ធទៅរស់នៅក្នុងស្រុកបារាយណ៏អស់រយៈពេលជិត២ឆ្នាំ!ទើបលែងលះគ្នា ហើយមកស់នៅជាមួយឪពុកមានវ័យចំណាស់គ្មានម្តាយ មានតែប្អូនស្រី២នាក់ ស្រាប់តែនៅយប់ថ្ងៃកើតហេតុ បុរសជាកូនកំហូច បានផឹកស៊ីស្រវឹង ត្រឡប់មកដល់ផ្ទះវិញក៏ស្រែកជេរ ឡូឡា ធ្វើឲ្យឪពុកបង្កើតបានស្តីប្រដៅដដែល ទើបគេស្ទុះទៅច្របាច់ករ ឪពុកខ្លួនឯង ហើយកាច់ដៃ មួលមកក្រោយ កុំតែប្អូនស្រីៗមកជួយទាន់ម្លេះប្រហែលជាមានគ្រោះថ្នាក់ធ្ងន់ធ្ងរមិនខាន! ទើមពួកគាត់បានទូរសព្ទទៅប្តឹងសមត្ថកិច្ច ចុះមកឃាត់ខ្លួនជនដៃដល់យកមកសាកសួរនៅ ទីបញ្ជាការអាវុធហត្ថខេត្តទាំងកណ្តាលយប់។
យោងតាម សមត្ថកិច្ចអាវុធហត្ថខេត្តកំពង់ធំបានឲ្យដឹថា!ជនដែលប្រើហឹង្សាដោយចេតនា!ឈ្មោះរឿនណារុន ភេទប្រុសអាយុ៣៦ឆ្នាំរស់នៅភូមិឃុំកើតហេតុក្រុងស្ទឹងសែន ខេត្តកំពង់ធំហើយសមត្ថកិច្ចបានធ្វើការឃាត់ខ្លួន ជនបង្កដោយផ្អែកតាមពាក្យបណ្តឹងរបស់ក្រុមគ្រួសារថាបុរសខាងលើធ្លាប់បានប្រើហឹង្សាដល់ឪពុកនិងប្អូនជាច្រើនដងមកហើយតែមិនព្រមកែខ្លួន
ចំនែកបុរស ដៃដល់បាននិយាយថា! ខ្លួនគេមិនវាយតប់អីធ្ងន់ធ្ងរនោះទេ គ្រាន់តែច្របាច់ករដើម្បីគំរាម កុំឲ្យរករឿងជេរប្រមាថខ្លួនគេប៉ុណ្ណោះ។
ទោះបីជាយ៉ាងណាក៏ដោយសមត្ថកិច្ចបានបំពេញបែបបទ បញ្ជូនខ្លួនទៅកាន់សាលាដំបូងខេត្តកំពង់ធំ នៅរសៀលថ្ងៃទី១៣ ដើម្បីចាត់ការបន្តតាមច្បាប់។
