កំពង់ធំៈ វិទ្យាស្ថានបច្ចេកវិជ្ជាកំពង់ឈើទាល គឺជាវិទ្យាស្ថានដែលត្រូវបានប្តូរឈ្មោះ វិទ្យាល័យកំពង់ឈើទាល និងជាអំណោយដ៏ថ្លៃថ្លារបស់ អង្គម្ចាស់ក្សត្រីសិរិនថន នៃព្រះរាជណាចក្រថៃឡង់ ដែលទ្រង់មានបំណងចង់ជួយអោយប្រជាពលរដ្ឋ រស់នៅក្នុងស្រុកប្រាសាទសំបូរ ខេត្តកំពង់ធំ ទទួលបានចំណេះដឹង និងមានលទ្ធភាពក្នុងការបំរើប្រទេសជាតិនៅថ្ងៃអនាគត់ ខណៈពេលដែលគ្រាមួយបិតាព្រះអង្គធ្លាប់មានអនុស្សាវរីយ៍នៅក្នុងឃុំកំពង់ឈើទាលនេះ ។
ទើបថ្ងៃនេះផងដែរ ឯកឧត្តម ឆៃសិទ្ធ ផានីផុង អភិបាលរងខេត្តសុរិន្ទ ព្រមទាំងគណៈប្រតិភូបានចុះសួរសុខទុក្ខ ថ្នាក់ដឹកនាំនៃវិទ្យាស្ថានកំពង់ឈើទាល នៅរសៀលថ្ងៃទី១២ ខែកក្ដដា ឆ្នាំ ២០១៦ព្រមទាំងបាននាំយក ឧបករណ៍កីឡា សៀវភៅប៉ិចដល់នាយកគ្រប់គ្រងវិទ្យាស្ថានកំពង់ឈើទាល ដើម្បីជាការជួយដល់ការិយាល័យ។
លោក ពេជ្រ សៀង នាយកវិទ្យាស្ថានកំពង់ឈើទាល ជាជនជាតិខ្មែររស់នៅឃុំកំពង់ឈើទាល ស្រុកប្រាសាទសំបូរ ក្រោយពីសិក្សានៅស្រុកខ្មែរចប់ បានទៅបន្តកាសិក្សានៅប្រទេសថៃ រហូតមកដល់ពេលនេះ បានបំរើការនៅវិទ្យាស្ថានកំពង់ឈើទាល លោកបានឲ្យដឹងថា សិស្សិដែលកំពុងតែបន្តការសិក្សានៅក្នុងវិទ្យាស្ថានកំពង់ឈើទាល ៩១១នាក់ ស្រី ៤៦៨នាក់ បុគ្គលិក ១០៨នាក់ កំរិតនៃកាសិក្សាមានចាប់ពីថ្នាក់ ទី១០ ដល់ថ្នាក់ទី១២ ឆ្នាំទី១ ដល់ឆ្នាំទី៣ គឺសិស្សាបច្ចេកទេសមូលដ្ឋាន មានទី១ បស្សុព្យាបាល ទី២ អគ្គិសនី ទី៣ អីឡិចទ្រនិច ទី៤ កសិកម្ម ហើយនៅឆ្នាំ២០១៧ និងបើកសិក្សាបរិញ្ញាប័ត្ររងបន្ថែម ចំណែកផ្ទៃដីដែលសាងសង់សាលានេះលើផ្ទៃដី ២១ហិចតា មានអាគារ ៦៨ខ្នង ចំណែកសិស្សដែលបានមកសិក្សាទីនេះភាគច្រើន គឺជាកូនចៅប្រជាពលរដ្ឋ ក្នុងស្រុកប្រាសាទសំបូរ សិស្សទាំងអស់ត្រូវបានប្រឡងចូលរៀននៅសាលា វិទ្យាស្ថាននេះ៕
