ថៃ ៖ និស្សិតស្រីថៃអាយុ ២១ ឆ្នាំម្នាក់ ត្រូវបានប្រពន្ធដើមធ្វើការវាយប្រហារយ៉ាងធ្ងន់ធ្ងរ ដោយជាដំបូងនាងបានមកសិក្សាបន្តនៅមហាវិទ្យាល័យនៅទីក្រុងបាងកកប្រទេសថៃ ក្រោយពីបញ្ចប់ថ្នាក់វិទ្យាល័យនៅតាមខេត្ត ។ ក្នុងអំឡុងពេលដែលនាងកំពុងសិក្សានៅទីនោះ នាងក៏បានស្គាល់បុរសម្នាក់ដែលជាអ្នកជំនួញនៅទីនោះ ។ នាងមិនបានដឹងទេថា បុរសម្នាក់នេះមានប្រពន្ធរួចទៅហើយនោះទេ ដោយបុរសម្នាក់នោះបានផ្តល់លុយកាក់សព្វគ្រប់បែបយ៉ាងទៅលើរូបនាង ទាំងថ្លៃជួលផ្ទះស្នាក់នៅ ទាំងការចាយវាយប្រចាំថ្ងៃ និងបានអោយនាងចាយប្រចាំខែ ក្នុងមួយខែ ៣០,០០០ បាតផងដែរ ។ បុរសម្នាក់នោះ មិនដែលនិយាយប្រាប់នាងថាមានប្រពន្ធនិងមានកូននោះទេ ទោះបីនាងដេញដោលសួរយ៉ាងណាក៏ដោយក៏មិនដែលប្រាប់ថាមានដែរ តែតាមការពិតគេមានប្រពន្ធនិងមានកូន ៣ នាក់រួចទៅហើយ ។ ទំនាក់ទំនងស្នេហារបស់នាងនិងបុរសម្នាក់នេះ មានរយៈពេលត្រឹមតែ ២ ខែប៉ុណ្ណោះ ហើយប្រពន្ធរបស់បុរសម្នាក់នេះក៏បានដឹងទើបមានរឿងរ៉ាវបែបនេះកើតឡើងតែម្ដងទៅ ។
