ខេត្តកំពត ៖ កាលពីរសៀលថ្ងៃទី ០៧ ខែ កក្កដា ឆ្នាំ ២០១៦ មានករណីជនបរទេស ចំនួន ០២ នាក់ បានទទួលមរណះភាព នៅគោលដៅខុសគ្នា ដែលមានឈ្មោះដូចខាងក្រោម ៖ ១ ឈ្មោះ JONES MATTHEW DAVID NEVILL ភេទប្រុស ឆ្នាំកំណើត ២៣-០១-១៩៧៧ សញ្ជាតិ អង់គ្លេស កាន់លិខិតឆ្លងដែនលេខ 526403778 ជាភ្ញៀវទេសចរណ៍ ដែលស្នាក់នៅភូមិ អូរតូច សង្កាត់អណ្តូងខ្មែរ ក្រុងកំពត ខេត្តកំពត បានស្លាប់នៅក្នុង បារ NOLA ស្ថិតនៅភូមិ១ឧសភា សង្កាត់កំពង់កណ្តាល ក្រុងកំពត ខេត្តកំពត ។
២. ឈ្មោះ TAFF JAMES EDWARD ភេទ ប្រុស ថ្ងៃខែឆ្នាំកំណើត ០៦ .០៣ .១៩៨៣ សញ្ជាតិ អង់គ្លេសកាន់លិខិតឆ្លងដែនលេខ 527848745 ប្រភេទ ទិដ្ឋាការ ( EI ) ស្នាក់នៅមិនប្រកបអាជីវកម្ម ដែលបានស្នាក់នៅបន្ទប់ជួលស្ថិតក្នុងភូមិ សុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត បានស្លាប់នៅមន្ទីរពេទ្យ ស៊ុនយ៉ាឃៀល ស្ថិតក្នុងភូមិកែបថ្មី ឃុំបឹងទូក ស្រុកទឹកឈូ ខេត្តកំពត ។
តាមការពិនិត្យនិងធ្វើកោសល្យវិច្ឆយ័ របស់មន្ទីរពេទ្យស៊ុនយ៉ាឃៀល និងការិយាល័យ នគរបាលបច្ចេកទេស និងវិទ្យាសាស្ត្រ សន្និដ្ឋានថា ការស្លាប់នេះ បណ្តាលមកពីគាំងបេះដូង ។ តាមបញ្ជា របស់លោកឧត្តមសេនីយ៍ ស្នងការ អោយការិយាល័យអន្តោប្រវេសន៍ ធ្វើការទំនាក់ទំនង ផ្តល់ពត៍មាន ទៅស្ថានទូត អង់គ្លេស និងសាច់ញ្ញាតិ របស់សព ជាពត៍មាន ។
តាមការឯកភាពរបស់ស្ថានទូត និងសាច់ញ្ញាតិសព យើងបានបញ្ជូនសពជនបរទេស ទាំង ០២ ខាងលើ ទៅមន្ទីរពេទ្យ ព្រះកុសមះ ( មន្ទីរពេទ្យរុស្សុី ) ក្រុងភ្នំពេញ ។
