0

សកម្មភាព​ឈូសឆាយដី​អត់​ច្បាប់ រំលោភ​យក​ធ្វើជា​កម្ម​សិទ្ធ នៅតែ​បន្ត​យ៉ាង​គគ្រឹកគគ្រេង ក្នុងស្រុក​សន្ទុក

សកម្មភាព​ឈូសឆាយដី​អត់​ច្បាប់ រំលោភ​យក​ធ្វើជា​កម្ម​សិទ្ធ នៅតែ​បន្ត​យ៉ាង​គគ្រឹកគគ្រេង ក្នុងស្រុក​សន្ទុក

ខេត្តកំពង់ធំ ៖ ឈ្មួញ​បាន​យក​គ្រឿង​ធ្វើ​សកម្មភាព​ឈូសឆាយដី​យ៉ាង​អាណាធិបតេយ្យ​នៅ​តំបន់​សូង​សាង ឃុំ​គ្រយា ស្រុក​សន្ទុក ខេត្តកំពង់ធំ ដោយ​យក​ឡេស​ថា ជា​ដី​សម្បទាន​សង្គមកិច្ច​ជនពិការ តែ​ដី​របស់​ជនពិការ​ពិត​ប្រាកដ​នោះ​ត្រូវបាន​ក្រុម​ឈ្មួញ​ឈ្មោះ​ឆេង លី និង​ឈ្មោះ​ឆេង​ឃី គំរាម​ប្រជាពលរដ្ឋ​ហើយ​ប្រមូល​ទិញ​ក្នុងតម្លៃថោកៗ ជាក់ស្តែង​នៅ​រសៀល​ថ្ងៃទី០៥ខែ​កក្ត​ដា​នេះ​ក្រុម​ឈ្មួញ យក​គ្រឿងចក្រ​មក​ឈូសឆាយ​ខុស​គោលដៅ តែ​សមត្ថកិច្ច​ជំនាញ​ធ្វើ​ព្រងើយ។

ប្រភព​ច្បាស់កា​ពី​តំបន់​សូង​សាង បាន​ប្រាប់​អ្នក​សារ​ព័​ត៍​មាន​ថា តាមពិត​ដី​នៅ​ចំនុច​ខាងលើនេះ គឺជា​ដី​សម្បទាន​សង្គមកិច្ច សម្រាប់​ជនពិការ​មែន តែ​ដី​នេះ​ក្នុង១គ្រួសារ ទទួលបាន​ត្រឹម៣ទៅ៤ហិច​តា​ប៉ុណ្ណោះ ហើយ​រហូតមក​ដល់ពេលនេះ​មិនទាន់មាន​ក្រុមគ្រួសារ​ជនពិការ​ណា​មាន​ដី​ធ្វើ​ចំការ​ឡើយ ផ្ទុយទៅវិញ​ដី​នៅ​តំបន់​សូង​សាង​នេះ​ជាង២០០ហិច​តា ត្រូវបាន​ធ្លាក់​ទៅលើ​ដៃ​ឈ្មួញ​ឈ្មោះ​ឆេង​លី និង​ឈ្មោះ​ឆេង​ឃី ជា​បងប្អូន​បង្កើត រស់នៅក្នុង ខេត្តកំពង់ចាម ។

ប្រភព​ដដែល​នេះ​បាន​បន្តថា ក្រុម​ឈ្មួញ​ទាំង២នាក់​បងប្អូន​នេះ​បាន​គំរាម​ឲ្យ​ជនពិការ លក់​ដី​ឲ្យ​ក្នុង​តម្លៃថោក បើក​ពុំ​ដូច្នោះ​ទេ​ពួកគេ​នឹង​យក​ដី​ទទេ ។ ជាក់ស្តែង​ដី​អ្នកស្រី​សោ​ភ័​ណ្ឌ ៦ហិតា​ដី លោក​ហង់ ឆើយ ៣ហិត​តា​និង​ដី​ជនពិការ​ជាច្រើន​នាក់​ទៀត ត្រូវបាន​មេ​ខ្លោ​ពីរ២នាក់​នេះ រំលោភ​យក​ដោយ​គ្មាន​សំណង ជាមួយគ្នានេះ​ប្រជាពលរដ្ឋ​ទាំង​បីនាក់​ខាងលើនេះ​ក៏បាន​ប្តឹងទៅ​ស្រុក ខេត្តហើយ តែ​មិនទាន់មាន​លទ្ធផល​ឡើយ ។ ទង្វើ​ល្មើសច្បាប់​នេះ​គឺ​កើតឡើង​ពី​មន្ត្រី​ជំនាញ​រដ្ឋបាល​ព្រៃឈើ​និង​អាជ្ញាធរ​មូលដ្ឋាន​បើកភ្លើង​ខៀវ​ឲ្យ ក្រុម​ឈ្មួញ​ឈូសឆាយ​ដីព្រៃ​យ៉ាង​អាណាធិបតេយ្យ ហើយ​សមត្ថកិច្ច​នៅ​ពីក្រោយ​ខ្នង ដើម្បី​ទទួល​លាប​សក្ក​រៈ​យ៉ាង​រំភើយ។

ពាក់ព័ន្ធ ជាមួយ​ការចោទប្រកាន់​នេះ លោក​សុទ្ធ​ម៉ា​រី នាយផ្នែក​រដ្ឋបាល​ព្រៃឈើ​កំពង់ថ្ម​បាន​ឆ្លើយថា​ដី​នៅ​តំបន់​នេះ​គេ​មានច្បាប់ ។ តែបើ​ចង់ដឹង​ច្បាស់​សូម​សួរ​ទៅ​លោក​ឈៀង​មាលា ជា​នាយ​សង្កាត់រដ្ឋបាល​ព្រៃឈើ​ក្រយា​ទៅ តែ​លោកនាយ​សង្កាត់​គ្រយា បាន​ឆ្លើយ​បដិសេធ ថា​លោក​មិនដឹង​ទេ ព្រោះ​មាន​ស៊ីញេ​ពី​លោក​អភិបាលរង​ស្រុក ជាមួយគ្នានេះ​លោក​រស់​សារី​ម អភិបាលរង​ស្រុក​សន្ទុក​បាន​ប្រាប់ថា លោក​អនុញ្ញាតិ​ឲ្យ​ឈូសឆាយ​តែ​ដី​ប្លង់​ផ្ទះ​ជាប់​ផ្លូវ​ទេ ចំពោះ​គ្រឿងចក្រ​ដែល​ឈូសឆាយដី​ខុស​គោលដៅ​នោះ លោក​មិន​ទទួលខុសត្រូវ​ឡើយ ៕

4e16076f-813c-416b-915d-bb54f2e7b7a3

Filed in: ទំនាស់ដីធ្លី, ព័ត៌មានសំខាន់

Recent Posts

Bookmark and Promote!