ខេត្តបាត់ដំបង ៖ កម្លាំងកងរាជអាវុធហត្ថស្រុកកំរៀង កាលពីវេលាម៉ោង ១១:៤០នាទី ថ្ងៃទី០៥ខែកក្កដាឆ្នាំ២០១៦ បានធ្វើការបង្ក្រាបករណី ជួញដូរដោយខុសច្បាប់ នូវសារធាតុញៀន០១លើក នៅចំណុចភូមិថ្មី ឃុំអូរដា ស្រុកកំរៀង ខេត្តបាត់ដំបង រួចធ្វើការឃាត់ខ្លួន ជនសង្ស័យ០១នាក់ ឈ្មោះ ផុន យ៉ាត ភេទប្រុស អាយុ៣១ឆ្នាំ មុខរបររត់ម៉ូតូឌុប រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ក្នុងការឃាត់ខ្លួននោះ អាវុធហត្ថស្រុកកំរៀង ដកហូតបាន ៖ ១.ថ្នាំញៀនយ៉ាម៉ា(WY)ចនួន១៣០គ្រាប់ (ពណ៌ស្លាទុំ ១២៩គ្រាប់ ពណ៌ខៀវ០១គ្រាប់)។ ២.ម៉ាទឹកកក ចំនួន០២កញ្ចប់ ទម្ងន់ ១០,៦៩ក្រាម ។ ៣.កាំភ្លើងខ្លីបាញ់ហ្គាស់០១ដើមពណ៌ស ប្រភេទវិលដុំមានគ្រាប់ចនួន០៦គ្រាប់ក្នុងនោះបាញ់រួច០១គ្រាប់។
៣.គ្រាប់កាំភ្លើងខ្លីម៉ាកK54ចំនួន០២គ្រាប់៤.ម៉ូតូម៉ាក ហុងដា សេ១២៥ សេរីឆ្នាំ២០១៦ មួយគ្រឿងពណ៌ខ្មៅ ពាក់ស្លាកលេខ ប៉ៃលិន1C.1499។
បច្ចុប្បន្ន ជនសង្ស័យ កំពុងសាកសួរ នៅមូលដ្ឋាន កងរាជអាវុធហត្ថ ស្រុកកំរៀង ដើម្បីបន្តចំណាត់ការ ៕
