បន្ទាយមានជ័យ៖ កម្លាំងកងរាជអាវុធហត្ថឃាត់ខ្លួនបុរសម្នាក់ មុខសញ្ញាចាស់ជួញដូរថ្នាំញៀន ដកហូតថ្នាំញៀន១៩៩៣គ្រាប់ បញ្ចូនទៅតុលាការខេត្តដើម្បីចាត់ការតាមនីតិវិធី នៅរសៀលថ្ងៃទី០៧ខែមិថុនាឆ្នាំ២០១៦។
ការឃាត់ខ្លួនតាមផ្លូវស្ថិតក្នុងភូមិក្តឹបថ្មនៅវេលាម៉ោង៤រសៀលថ្ងៃទី០៦ខែមិថុនាឆ្នាំ២០១៦។
លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យបានឲ្យដឹងថាបុរសដែលឃាត់ខ្លួនមានឈ្មោះ យួនចាន់ឌី អាយុ៥៣ឆ្នាំមានមុខរបបរត់ម៉ូតូឌុបរស់នៅភូមិបន្ទាយមានរិទ្ធឃុំគោករមៀតស្រុកថ្មពួកខេត្តបន្ទាយមានជ័យ។សមត្ថកិច្ចបានដកហូតវត្ថុតាងថ្នាំញៀនប្រភេទមេតំហ្វេតាមីនហៅយ៉ាម៉ាចំនួន១.៩៩៣គ្រាប់និងមធ្យោបាយម៉ូតូ១គ្រឿងម៉ាកហុងដាឌ្រីមសេ១២៥ផលិតឆ្នាំ២០១៤ពណ៌ខ្មៅពាក់ស្លាក់លេខបន្ទាយមានជ័យ1G.5910និងទូរស័ព្ទ២គ្រឿង។
យោងតាមការអោយដឹងពីសមត្ថកិច្ចថាជនសង្ស័យដែលបានឃាត់ខ្លួនពីករណីជួញដូរថ្នាំញៀននេះគឺជាប់គុកជាច្រើនដងមកហើយតែដោយមិនរាងចាលពេលចេញមកជនសង្ស័យប្រកបមុខរបរជួញដូរបន្តទៀត ៕
