ខេត្តព្រៃវែង ៖ បុរសជាជនជាតិវៀតណាមម្នាក់ ត្រូវបាកងរាជអាវុធហត្ថខេត្តព្រៃវៃង ធ្វើការវាយខ្នោះ ទាំងថ្ងៃ ពាក់ព័ន្ធករណីជួញដូរគ្រឿងញៀន អាវុធហត្ថខេត្តព្រៃវែងឃាត់ខ្លួននិងថ្នាំញៀន ចំនួន ៤កញ្ចប់ធំ (ទម្ងន់៣៤,១ក្រាម)រួមវត្ថុតាង១ចំនួនទៀត ។
ហេតុការណ៍ឃាត់ខ្លួនបុរសជាជនជាតិវៀតណាមរូបនេះធ្វើឡើងកាលពីវេលាម៉ោង ម៉ោង៩ និង៤៥នាទី ព្រឹកថ្ងៃទី៦ ខែមិថុនា ឆ្នាំ២០១៦ នៅចំណុចភូមិត្រោះ ឃុំជ័យកំពក ស្រុកព្រះស្ដេច ខេត្តព្រៃវែង។
លោក ម៉ែន ស៊ីមន មេបញ្ជាការកងរាជអាវុធហត្ថខេត្តព្រៃវែងប្រាប់ឱ្យដឹងថា កម្លាំងរបស់លោកបានធ្វើការបង្ក្រាបនូវករណីជួញដូរគ្រឿងញៀនចំនួន ១លើក នៅចំណុចភូមិត្រោះ ឃុំជៃកំពក ស្រុកព្រះស្តេច ខេត្តព្រៃវែង ដោយបានឃាត់ខ្លួនជនសង្សយ័ ចំនួន ១នាក់ និងវត្ថុតាងមួយចំនួនទៀត។
ជនសង្ស័យឈ្មោះ ង្វៀង យាំងទឹង ភេទប្រុស អាយុ៣៧ឆ្នាំ ជនជាតិវៀតណាម មុខរបរលក់ដូរ វត្ថុតាងដកហូតរួមមាន ម្សៅក្រាមពណ៌សថ្លា ចំនួន ៤កញ្ចប់ធំ (ទម្ងន់៣៤,១ក្រាម) ជញ្ជីងថ្លឹងថ្នាំចំនួន ១ ទូរសព្ទ័ដៃចំនួន ១គ្រឿង និងថង់សម្រាប់ច្រកថ្នាំចំនួន ១១៣ថង់ផងដែរ។
បច្ចុប្បន្នជនសង្សយ័ និងវត្ថុតាងថ្នាំញៀន ត្រូវបានកងរាជអាវុធហត្ថខេត្ត កសាងសំណុំរឿងបញ្ជូនទៅកាន់តុលាការចាត់ការតាមផ្លូវច្បាប់៕
