ភ្នំពេញ៖ មានការភ្ញាក់ផ្អើលកាលពី វេលាម៉ោង ៨និង៥០នាទីយប់ថ្ងៃទី ៥មិថុនា ២០១៦ ស្ថិតក្នុង មន្ទីពេទ្យព្រះកុសុមៈសង្កាត់ទឹកល្អក់១ ខណ្ឌទួលគោក សមត្ថកិច្ចជាច្រើននាក់ មានកម្លាំងនគរបាលខណ្ឌពោធិសែនជ័យ កម្លាំងនគរបាលព្រហ្មទ័ណ្ឌកំរិស្រាលរាជធានីភ្នំពេញ កម្លាំងនគរបាលខណ្ឌទួលគោក និងកម្លាំងនគរបាលអត្តរាគមន៍ខណ្ឌសែនសុខ បានឡោមព័ទ្ធ មន្ទីរពេទ្យព្រះកុសុមៈ ចាប់ជនសង្ស័យចំនួន៤នាក់សង្ស័យនិងករណីប្លន់ ក្នុងរាជធានីភ្នំពេញកន្លងមក។ ហើយជនសង្ស័យទាំង៤នាក់ដែលសុទ្ធតែទំពាំងស្នងឬស្សី =
-ទី១មានឈ្មោះ វេត ដាវុធ អាយុ១៧ មុខរបរបិតស្កុតម៉ូតូ
-ទី២មានឈ្មោះ ញឹម ដារ៉ារិទ្ធ អាយុ ១៧ឆ្នាំមុខរបរសិស្ស
-ទី៣មានឈ្មោះ ញឹម សុខជឿន អាយុ២០ឆ្នាំ មុខរបរនៅផ្ទះ អ្នកទាំង២នាក់ជាបងប្អូនបង្កើតនិងគ្នា ។
និងទី៤មានឈ្មោះ សុខ សីហា អាយុ១៨ មុខរបរមិនពិតប្រាកដ ទាំង៤នាក់មានទីលំនៅភូមិបាយ៉ាប សង្កាត់ភ្នំពេញថ្មី ។
បើតាមប្រភពពីសមត្ថកិច្ចបានអោយដឹងថា នៅម៉ោងប្រមាណជាង៥ល្ងាចថ្ងៃទី៥ខែឧសភា
កម្លាំងនគរបាលព្រហ្មទ័ណ្ឌកំរិតស្រាល រាជធានីភ្នំពេញ បានធ្វើការជិះល្បាតនៅតាមបណ្តោយផ្លូវ ម៉ុងរិទ្ធី សង្កាត់ភ្នំពេញ ហើយបានឃើញជនសង្ស័យ៤នាក់មានគ្នា២ម៉ូូតូ មានម៉ូតូ MSX ពណ៍ខ្មៅពាក់ស្លាកលេខភ្នំពេញ1 FK-5553 និងមួយគ្រឿងទៀត ម៉ូតូហុងដារ ស្កុបពីពណ៍ស ពាក់ស្លាកលេខ មិនចាំអក្សរ 6399 ចូលចាក់សាំងនៅការ៉ាស់សាំងមួយកន្លែងនៅម្តុំនោះ ហើយកំលាំងបានឃើញជនសង្ស័យម្នាក់ក្នុងជិះម៉ូតូស្កុបពី មានសៀតកំភ្លើងខ្លីនៅនឹងចង្កិះ ហើយក៏មានការសង្ស័យ តែកំលាំងមានតែម្នាក់ឯង ពិបាកក្នុងការធ្វើការ បំរ៉ុងហៅគ្នាអោយជួយ ចៃដន្យមេឃក៏មានភ្លៀងខ្លាំងពិបាកតាម ក៏បាត់ដានជនសង្ស័យ បន្ទាប់ពីភ្លៀងរួច បានប្រកាសតាមវិទ្យុទាក់ទង គ្រប់បណ្តាខណ្ឌ ប្រាប់ពីភិនភាគ និងស្លាកលេខ។
សមត្ថកិច្ចបន្តថា លុះដល់ម៉ោងជាង៩យប់ថ្ងៃដដែល ក៏ប្រទះឃើញម៉ូតូMSX ស្លាកលេខ1FK-5553និងម៉ូតូម៉ាក NEX ស្លាកលេខភ្នំពេញ 1FQ-1858 ជិះចូលមន្ទីរពេទ្យព្រះកុសុមៈ តែបែរជាមិនឃើញម៉ូតូស្កុបពីនោះទៅវិញ ភ្លាមនោះកម្លាំងបានប្រកាសប្រមូលផ្តុំគ្នា និងធ្វើការចុះបង្ក្រាបឃាត់បានភ្លាមៗតែម្តង និងបញ្ជូនមកអធិការដ្ឋានខណ្ឌពោធិសែនជ័យ ដើម្បីធ្វើការសាកសួរបន្ថែម។
ក្រោយពេលសាកសួរ និងស្តាប់ចម្លើយម្តងម្នាក់របស់ជនសង្ស័យទាំង៤នាក់រួចមក គឺគ្មានតំរ៉ុយណានិងអត់ស៊ីមេទ្រីគ្នា ពាក់ព័ន្ធនិងបទល្មើស សមត្ថកិច្ចក៏សម្រេចហៅអាណាព្យាបាលជនទាំង៤នាក់មកធ្វើការធានាអោយមានសេរីភាពវិញជាធម្មតា បច្ចុប្បន្នពួកគេបានអោយទៅផ្ទះវិញហើយ ៕
