រតនគិរី ៖ កម្លាំងនគរបាលក្រុងបានលុងឃាត់ខ្លួនជនសង្ស័យ២នាក់ ករណីរក្សាទុក ជូញដូរគ្រឿងញៀនខុសច្បាប់ ដកហូតថ្នាំញៀមម្សៅក្រាម១ថង់ធំ និងម៉ូតូមួយគ្រឿង នៅវេលាម៉ៅង១៧និង៤០នាទី ថ្ងៃទី០១ ខែមិថុនា ឆ្នាំ២០១៦នៅចំណុចផ្ទះជួលមួយកន្លែងស្ថិតក្នុងភូមិអូរកន្សែង សង្កាត់បឹងកន្សែង ក្រុងបានលុង ខេត្តរតនគិរី។
នាយប៉ុស្តិ៍នគរបាលសង្កាត់ឡាបានសៀកប្រាប់ឲ្យដឹងថាជនសង្ស័យទី១ឈ្មោះ ឃុត សុភ័ក្រ អាយុ២២ឆ្នាំ ជនជាតិខ្មែរ មានទីលំនៅភូមិសំអាង ឃុំសំអាង ស្រុកថាឡាបរវ៉ាត់ ខេត្តស្ទឹងត្រែង និងទី២ឈ្មោះ សុខ លីស៊ិន អាយុ២៥ឆ្នាំ ជនជាតិខ្មែរ មានទីលំនៅភូមិ១ ឃុំឡាមិញ ស្រុកបរកែវ ដកហូតបានម្សៅក្រាមពណ៌ស (សង្ស័យជាថ្នាំញៀន) ១ថង់ធំ និងម៉ូតូមួយគ្រឿង។
បច្ចុប្បន្ន ជនសង្ស័យទាំង២នាក់និងថ្នាំញៀនបញ្ជូនបន្តទៅអធិការក្រុង ដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធី ៕
