ខេត្តបាត់ដំបង៖ អាវុធហត្ថស្រុកភ្នំព្រឹកឃាត់បុរសសង្ស័យម្នាក់លួចលួចលុយនិងកាំភ្លើងយោធាម្នាក់(លួចមានស្ថានទម្ងន់ទោស)នៅវេលាម៉ោង៦ល្ងាចថ្ងៃទី១ខែមិថុនាឆ្នាំ២០១៦នៅចំណុចTV1722962943-ស្ថិតក្នុងភូមិភ្នំតូចឃុំពេជ្រចិន្ដាស្រុកភ្នំព្រឹកខេត្តបាត់ដំបង។
ជនសង្ស័យម្នាក់ដែលឃាត់ខ្លួនមានឈ្មោះនី រិនភេទប្រុសអាយុ១៩ឆ្នាំមុខរបរមិនពិតប្រាកដ។ស្រុកកំណើតឃុំតាម៉ឺនស្រុកថ្មគោលខេត្តបាតដំបង។ទីលំនៅបច្ចុប្បន្ន(មិនពិតប្រាកដ)និងដកហូតវត្ថុតាង ប្រាក់ថៃចំនួន២៤០០០បាតទូរស័ព្ទ២គ្រឿង អាវុធខ្លី=១ដើមចំពោះវត្ថុតាងខាងលើ នេះជាសំភារៈរបស់ជនរងគ្រោះ។
សូមបញ្ជាក់ករណីខាងលើនេះធ្វើតាមពាក្យបណ្ដឹងរបស់ឈ្មោះផនយុត្ថានភេទប្រុសអាយុ៤១ឆ្នាំមុខរបរធ្វើយោធាអង្គភាពទំនាក់ទំនងព្រំដែនកម្ពុជា ថៃច្រកអូររំដួល ស្រុកភ្នំព្រឹក។
ជនសង្ស័យសមត្ថកិច្ចបានកសាងសំនុំរឿងទៅទីបញ្ជាការអាវុធហត្ថខេត្តចាត់ការតាមនីតិវិធីច្បាប់ ។ ចំណែកវត្ថុតាងរឹបអូសបានតម្រូវឲ្យជនរងគ្រោះជាម្ចាស់ធ្វើលិខិតបញ្ជាក់ពីអង្គភាពទើបប្រគល់ជូនវិញ។
