ខេត្តឧត្តរមានជយ័ ៖ បុរសម្នាក់បានសម្លាប់ខ្លួនឯងដោយកាំភ្លើងឆ្នៃប្រភេទធ្នុកដូង បន្ទាប់ពីបានវាយប្រពន្ទ និងកូនបែកក្បាល នៅពេលល្ងាចថ្ងៃទី៣០ខែឧសភាឆ្នាំ២០១៦ ។ ហេតុការណ៍នេះកើតឡើងកាលពីម៉ោង ៨ព្រឹក នៅថ្ងៃទី៣១ ខែឧសភា ឆ្នាំ ២០១៦នៅភូមិស្លានមាស ឃុំ ត្រពាំងប្រាសាទ ខេត្តឧត្តរមានជយ័ ។
ប្រជាពលរដ្ឋ ជនរងគ្រោះម្នាក់ឈ្មោះ ជីម ចិត្ត ភេទ ប្រុស អាយុ ៣១ ឆ្នាំ បានធ្វើអត្តឃាត ដោយបានសម្លាប់ខ្លួនឯងដោយកាំភ្លើងឆ្នៃប្រភេទធ្នុកដូង ដោយបាញ់ពីក្នុងមាត់ធ្លាយទៅខាងលើក្បាល ។
តាមសម្ដីរបស់ស្ដ្រី ឈ្មោះ ជា មុំ អាយុ ៣៣ឆ្នាំ ជាប្រពន្ធជនរងគ្រោះបានអោយដឹងថា ប្ដីរបស់គាត់មានសតិមិនសូវគ្រប់ទេ ដោយមានអាការៈខុសប្រក្រតីយូៗម្ដង ហើយមុនពេលកើតហេតុនៅល្ងាចនាថ្ងៃទី30 មុនថ្ងៃកើតហេតុ ១ ថ្ងៃ ប្ដីរបស់គាត់ស្រាប់តែសុំវ៉ៃគាត់និងកូន ដោយមិនមានរឿងអ្វីសោះ ពេលនោះប្រពន្ធ ក៍ព្រមអង្គុយអោយវ៉ៃដោយមិនតដៃឡើយ ព្រោះគិតថា ប្ដីគាត់មិនហ៊ានវ៉ៃទេ ព្រោះប្ដីរបស់គាត់មិនដែលវ៉េគាត់ទេ គ្រាន់តែពេលខ្លះរករឿងគាត់តាមរបៀបសតិមិនគ្រប់ប៉ុណ្ណោះ ។ ហើយពេលឃើញប្រពន្ធនៅស្ងៀមអោយវ៉ៃ ក៍ស្រាប់តែវ៉ៃគាត់មែន បណ្ដាលអោយបែកក្បាលខាងធ្វេង ក្រោយពេលវ៉ៃរួចក៍បានសុំទោសប្រពន្ធ និងសុំលាងរបួសអោយប្រពន្ធ តែប្រពន្ធមិនអោយលាង និងដើរចុះពីលើផ្ទះដោយនិយាយ ថាមិនបាច់ទេ ទៅអោយម៉ែខ្ញុំលាងវិញ ។ បន្ទាប់ពីអោយម្ដាយគាត់លាងហើយរូបគាត់រួមជាមួយកូនតូចៗក៍ត្រឡប់មកផ្ទះកើតហេតុវិញ ។ នៅពេលយប់នាថ្ងៃដដែល ពេលមកដល់ក៍ឃើញទ្វាផ្ទះចាក់សោរពីក្នុងប្រពន្ធក៍នាំកូនៗដេកក្រោមផ្ទះដោយមិននិយាយអ្វីឡើយ ។ លុះព្រឹកឡើងប្រពន្ទដាំស្លរធម្មតា តែទ្វារលើផ្ទះនៅតែបិទលុះដល់ម៉ោងកើតហេតុ ក៏ស្រាប់តែឮសូរសម្លេងកាំភ្លើងឆ្នៃប្រភេទឆ្នុកដូងមួយគ្រប់ ។ ពេលនោះ ប្រពន្ធជនរងគ្រោះក៏បានឡើងអើតមើលពីមាត់ទ្វារបិទនោះ ក៏ស្រាប់តែឃើញប្ដីរបស់គាត់កំពុងប្រកាច់ក្នុងថ្លុកឈាម ក៏បានស្រែកឆោឡោដល់អ្នកជិតខាងមក លុះឡើងទៅដល់ក្បែរជនរងគ្រោះ ក៍មានពាក្យសរសេរលើក្ដារមុនពេលបាញ់ថា (ខ្ងុំសុំទោសផង ខ្ញុំជាអ្នកខុស ជាមនុស្សមិនល្អ ខ្ញុំសមតែស្លាប់ សូមជួយអាហោសិកម្ម អោយខ្ញុំផង ឈប់មានកម្មពារនិងគ្នាទៀតទៅ ចង់លាកូនក៍លាមិនបានដែរ កូនសម្លាញ់ប៉ាលាហើយ ប៉ាខុសហើយកូនអោយប៉ាសុំទោសផង។
នេះជាសម្ដីសព មុននិងលាចាកលោកទៅចោលប្រពន្ធនិងកូនសម្លាញ់ទោំងបីនាក់ ៕
