កំពត ៖ ក្រុមអ្នករកស៊ីដឹកទំនិញជាច្រើនបានលើកឡើងថា កាលពីប្រធានច្រកទ្វារចាស់នៅកាន់តំណែង ពួកគាត់ហាក់មិនដែលជួបបញ្ហាបែបនេះទេ គឺដឹកជញ្ជូនទំនិញឆ្លងកាត់តាមរថយន្ត ឬម៉ូតូបានយ៉ាងស្រួល ដោយគ្រាន់តែបង់លុយថ្លៃម្ហូបដល់មន្ត្រីយាមច្រកទ្វារបន្តិចបន្តួច ប៉ុណ្ណោះ ប៉ុន្តែលើកនេះក្រោយពីលោក ហាន សុផល ប្រធានប៉ូលិសអន្តោប្រវេសន៍ត្រូវវេចបង្វិចចាកចេញ ហើយតែងតាំងលោក ណុប សារឹម ជាប្រធានមកនោះ ក៏ស្រាប់តែរៀបផែនការត្រួតពិនិត្យឆែកឆេរទំនិញរឹតបន្តឹងតែម្តង ការអនុវត្តបែបនេះស្ទើរហួសព្រំដែនសមត្ថកិច្ចទៅហើយ ព្រោះគេយល់ថា ការត្រួតពិនិត្យរាល់ទំនិញឆ្លងដែនគេចពន្វគឺមានតែស្ថាប័នគយនិង រដ្ឋាករប៉ុណ្ណោះ។
ឥឡូវនេះប៉ូលិសប្រចាំតំបន់ចាប់ផ្តើមឃាត់រថយន្តដឹកទំនិញឆ្លងដែន ឆែកឆេររកឯកសារបង់ពន្ធ ហើយសកម្មភាពបែបនេះបានកើតឡើង បន្ទាប់ពីប្រធានច្រកទ្វារអន្តរជាតិ ព្រែកចាកត្រូវបានផ្លាស់ប្តូរ អ្នកគ្រប់គ្រងប្រមាណជាង១ខែប៉ុណ្ណោះ។
ពួកគាត់បានបញ្ជាក់ទៀតថា ឥឡូវនេះមន្ត្រីប៉ូលិសអន្តោប្រវេសន៍ចាប់ផ្តើមប្រើធម៌ក្តៅដោយឃាត់ ទំនិញដែលដឹកតាម រថយន្តឆ្លងដែនពីប្រទេសវៀតណាមមកស្រុកខ្មែរសួររកបង្កាន់ដៃបង់ពន្ធ។ លុះម្ចាស់រថយ្តយកឯកសារមកបង្ហាញ ស្រាប់តែមន្ត្រីប៉ូលិសអន្តោប្រវេសន៍ក៏បង្វែសួររកឯកសារពាក់ព័ន្ធ មួយចំនួនទៀតទៅវិញ ។ ទង្វើបែបនេះអាចបញ្ជាក់ថា ជាល្បិចរកលុយដាក់ក្នុងហោប៉ៅទេដឹង ព្រោះកន្លងមកគេមិនដែលជួបបញ្ហាបែបនេះទាល់តែសោះ។
ម្ចាស់ រថយន្តដែលដឹកទំនិញឆ្លងកាត់តាមច្រកទ្វារខាងលើបានបញ្ជាក់ថា កន្លងមកថ្វីត្បិតការចរាចរណ៍ទំនិញមានឯកសារបង់ពន្ធទៅហើយក្តី ក៏ត្រូវបង់ជូនដល់ស្ថាប័នប៉ូលិសអន្តោប្រវេសន៍ចំនួន ៦០០០០រៀល ក្នុង១រថយន្តដែរ ប៉ុន្តែលើកនេះប៉ូលិសអន្តោប្រវេសន៍បែរជាឃាត់រថយន្តសួររកឯកសារ បង់ពន្ធ។
លុះគាត់យកឯកសារនោះទៅបង្ហាញបែរជាដេញដោលសួររកក្រដាស់ស្នាម ពាក់ព័ន្ធផ្សេងទៀត ថែមទាំងបានទាមទារឱ្យបង់កម្រៃលើសមុនទៀតផង គឺចំនួន៨០.០០០រៀល ហើយបើមិនបង់ទេគឺមិនអាចដឹកទំនិញឆ្លងកាត់តាមច្រកនេះបានឡើយ ។
បើតាម ការឆ្លើយតបពីមន្ត្រីប៉ូលិសច្រកទ្វារអន្តរជាតិព្រែកចាកបានលើកឡើងថា ការអនុវត្តបែបនេះគឺធ្វើឡើងតាមបញ្ជារបស់មេកើយដែលទើបតែទទួលតំណែង ថ្មី ដោយតម្រូវឱ្យមន្ត្រីក្រោមឱវាទអនុវត្តឱ្យមានប្រសិទ្ធភាព ដើម្បីជួយទប់ស្កាត់នូវការចរាចរទំនិញគេចពន្ធឆ្លងដែន ហើយការឃាត់ទំនិញនេះគឺដើម្បីត្រួតពិនិត្យខ្លាចក្រែងមានទំនិញដឹក ឆ្លងដែនមិនបង់ពន្ធដែលជាកក្តា មួយបាត់ចំណូលពន្ធរដ្ឋ។
ទាក់ទិន នឹងករណីខាងលើសារព័ត៌មានយើង មិនអាចសុំបំភ្លឺពី លោក ណុប សារឹម ប្រធានប៉ូលិសអន្តោប្រវេសប្រចាំច្រកទ្វារបានទេ ?។
