ខេត្តបន្ទាយមានជ័យ ៖ អាគារដ្ឋាបាលសាលាស្រុកអូរជ្រៅសាងសង់រួចហើយ លោក លេង វី អនុរដ្ឋលេខាធិការក្រសួងមហាផ្ទៃនិងជានាយកគំរោងអភិវឌ្ឍន៍សេវាកម្មសាធារណៈនិងការគ្រប់គ្រងលើវិស័យហិរញ្ញវត្ថុបានចុះមកប្រគល់អាគាររដ្ឋបាលសាលាស្រុកអូរជ្រៅនៅល្ងាចថ្ងៃទី១២ខែឧសភាឆ្នាំ២០១៦ដើម្បីយកកន្លែងធ្វើការស្របច្បាប់ចាប់ពីថ្ងៃប្រគល់នេះតទៅ។
ពិធីនេះមានការចូលរួម ឯកឧត្តម សួន បវរ អភិបាលខេត្តបន្ទាយមានជ័យលោក សាន ស៊ានហូ អភិបាលស្រុកអូរជ្រៅ លោកអភិបាលក្រុងស្រុក និងមន្ត្រីរាជការជាច្រើននាក់ទៀត ។
លោក សាន ស៊ានហូ បានមានប្រសាសន៍ក្នុងពិធីប្រគល់អាគាររដ្ឋាបាលសាលាស្រុកអូរជ្រៅនោះថារដ្ឋបាលស្រុកអូរជ្រៅបានចុះកិច្ចសន្យាទទួលកញ្ចប់ថវិការជំនួយរដ្ឋា ភិបាលក្នុងការសាងសង់អាគាររដ្ឋាបាល និងអាគារសាលប្រជុំជុំវិញស្រុកខ្មែរក្នុងនោះក៏មានអាគាររដ្ឋបាលស្រុកអូរជ្រៅមួយផងដែរកាលពីថ្ងៃទី២២ខែធ្នូធ្នាំ២០១៤ដែលមានទំហំទឹកប្រាក់សរុបចំនួន២៨០.៨៨៦.៤៦ដុល្លា។
លោក សាន ស៊ានហូ បានបញ្ជាក់ទៀតថា សន្យាសាងសង់អគាររដ្ឋបាលនិងអាគាសាលប្រជុំនេះជាមួយក្រុមហ៊ុន ធីរ៉ូ ខនស្ត្រាក់សិនហើយអាគារដ្ឋបាលស្រុកអូរជ្រៅបានរៀបចំបញ្ចុះបឋមសិលានៅថ្ងៃទី១២ខែមេសាឆ្នាំ២០១៥ត្រូវបញ្ចប់ការសាងសង់វិញ នៅថ្ងៃទី២២ ខែមករា ឆ្នាំ២០១៦ លុះនៅថ្ងទី១២ ខែឧសភា ឆ្នាំ២០១៦ នេះ ក្រសួងមហាផ្ទៃបានចុះមកប្រគល់អាគាររដ្ឋបាលស្រុកអូរជ្រៅ និងអគារសាលប្រជុំទៅឲ្យអភិបាលស្រុកអូរជ្រៅ ដើម្បីដាក់ឲ្យប្រើប្រាស់ជាផ្លូវការចាប់ពីថ្ងៃប្រគល់ឲ្យនេះតទៅ ។
លោក លេង វី ក៏បានមានប្រសាសន៍ក្នុងការប្រគល់អាគាររដ្ឋបាល និងអាគារសាលប្រជុំទៅឲ្យអភិបាលស្រុកនោះថា ក្រោយពីលោកបានចុះមកពិនិត្យអគារទាំងពីរនោះរួចមក លោកបានធ្វើការសរសើរដល់ស្នាដៃរបស់ក្រុមហ៊ុនម៉ៅការ ធ្វើអាគាររដ្ឋបាលនេះថា បានធ្វើតាមស្តង់តាដែលក្រសួងមហាផ្ទៃបានកំណត់ដាក់ឲ្យធ្វើ ដូចជាដែកគ្រប់លី មិនកេងលី អាគារទាំងពីរធ្វើការផ្ចិតផ្ចង់តាមរចនាបទរបស់ខ្មែរ ក្នុងសាលប្រជុំក្តី ក្នុងបន្ទប់ធ្វើការក្តី ភាគច្រើនគឺស្អាតហើយមានខ្យល់អាកាសចេញចូលបានល្អទៀតផង។
ឯកឧត្តម លេង វី អនុរដ្ឋលេខាធិការ ក្រសួងមហាផ្ទៃបានធ្វើការផ្តាំផ្ញើរដល់លោកអភិបាលស្រុក សាន ស៊ានហូ ក្រោយពីបានទទូលអាគាររដ្ឋបាលសាលាស្រុក និងអាគារប្រជុំថ្មីនេះហើយ ត្រូវចេះថែទាំឲ្យបានល្អសំរាប់ ត កូន តចៅទៅថ្ងៃមុខទៀត ៕
