កំពង់ធំ ៖ លោកឡង គីសឹង អភិបាលស្រុកសណ្តាន់ បានដឹកនាំកំលាំងសមត្ថកិច្ច ចុះបង្ក្រាបការកាប់បំផ្លាញព្រៃនៅក្នុងតំបន់ព្រៃហាមឃាត់បង្ក្រាបបាន រណារ យន្តខ្នាតធំចំនួន៩
គ្រឿង និងកាឡេថង ដឹកឈើចំនួន៤គ្រឿង ផ្ទុកដោយឈើប្រភេទដួងចែម និងឈើផ្តៀក នៅព្រឹកថ្ងៃទី១ខែឧសភាឆ្នាំ២០១៦ ដែលស្ថិតនៅចំណុចច្រកតោល ។
លោកឡង គីសឹង អភិបាលស្រុកសណ្ដាន់បានមានប្រសាសន៌ថា លោកពិតជាមានការខកចិត្តយ៉ាងខ្លាំងចំពោះកំលាំង ជំនាញរដ្ឋបាលព្រៃឈើ ដែលហាក់ដូចជាប៉ក់ល្វើយ ក្នុងយន្តការបង្ក្រាបបទល្មើសព្រៃឈើ ដែលបច្ចុប្បន្នជាប្រធានបទដ៌ក្តៅសំរាប់រាជរដ្ឋាភិបាលកម្ពុជា រឺក៌អស់លោកគិតថាព្រៃឡង់ និងជិតក្លាយខ្លួនជាព្រៃការពារ ហើយជាបន្ទុករបស់ក្រសួងបរិស្ថានគ្រប់គ្រងទៅវិញ? សូមជំរាបថា រណារយន្តមានរាប់រយ នៅកណ្តាលព្រៃឡង់ ហើយសំលេងរណារយន្តលាន់រំពងព្រៃ កាឡេថង ហែរចូលព្រៃដូចហែរកឋិន ។
តែទោះជាយ៉ាងណា ខ្ញុំឡង គីសឹង ជាអភិបាលស្រុកសណ្តាន់ថ្មីបានបេជ្ញាចិត្ត និងដាក់កំលាំងចុះបង្ក្រាប ជារៀងរហូត ហើយសុំអោយជំនាញទាំងអស់ចូលរួមសហការជាមួយអាជ្ញាធរស្រុកប្រកបដោយការទទួលខុសត្រូវ”ជំនាន់នេះត្រូវទទួលខុសត្រូវ ចំពោះជំនាន់ក្រោយ”និងស្វែងរកជនសង្ស័យកាប់ព្រៃឈើបញ្ជូនទៅតុលាការដាក់ទោសតាមច្បាប់ ៕
