ភ្នំពេញ៖ ជនសង្ស័យ២នាក់ជិះម៉ូតូម៉ាកZoomer ប្រដាប់ដោយអាវុធខ្លី១ដើមធ្វើសកម្មភាពភ្ចង់ប្លន់ម៉ូតូ១គ្រឿងម៉ាកZoomer ដូចគ្នាពីនារី២នាក់ជិះម៉ូតូមកពីដើរលេងកោះពេជ្រយកទៅបាត់ដោយសុវត្ថិភាព។
ហេតុការណ៍ប្លន់ខាងលើនេះបានកើតឡើងកាលពីវេលាម៉ោង១១៖០០នាទីយប់ថ្ងៃទី១ខែឧសភាឆ្នាំ២០១៦នៅត្រង់ចំនុចផ្លូវ១២៥កែង១៨២ ស្ថិតក្នុងសង្កាក់បឹងប្រលឹត ខណ្ឌ៧មករា។
បើតាមសំដីនារីរងគ្រោះទាំង២នាក់បានប្រាប់ថាមុនកើតហេតុគឺនារីរងគ្រោះទាំង២នាក់បានជិះម៉ូតូម៉ាកZoomer-Xពណ៍ខ្មៅពាក់ស្លាកលេខភ្នំពេញ1FT-9671លុះមកដល់ចំណុចកើតហេតុ ក៏លេចមុខជនល្មើស២នាក់ជិះម៉ូតូមួយគ្រឿងម៉ាកZoomer X ពណ៌សមិនចាំស្លាកលេខនិងប្រដាប់ដោយកាំភ្លើងខ្លីមួយដើម បានធ្វើសកម្មភាពភ្ចង់ប្លន់ យកតែម្តង ក្រោយពីក្រុមចោរប្លន់យកម៉ូតូទៅបាត់នារីរងគ្រោះទាំង២បានមកដាក់ពាក្យបណ្តឹងនៅប៉ុស្តិ៍បឹងព្រលឹត ដើម្បីអោយប៉ូលីសកំណត់មុខសញ្ញាជនសង្ស័យផងដែរ ៕
