ខេត្តប៉ៃលិន ៖ ប្រជាពលរដ្ឋចំនួន២ភូមិគឺភូមិទួលខៀវសង្កាត់ប៉ៃលិននិងភូមិថ្មីសង្កាត់ទួលល្វាក្រុងប៉ៃលិនបន្ទាប់ពីមានភាពរាំងស្ងួតត្រូវបានឯកឧត្តមកើតសុធាអភិបាលខេត្តប៉ៃលិនដឹកនាំមន្ត្រីរាជការក្រោមឳវាទនិងកម្លាំងប្រដាប់អាវុធយកទឹកចំនួន៣រថយន្តចំណុះ១៨០០០លីត្រចែកជូន កាលព្រឹកថ្ងៃទី២៧ខែមេសាឆ្នាំ២០១៦។
ឯកឧត្តម កើត សុធា អភិបាលខេត្តប៉ៃលិនបានឲ្យដឹងថា ប្រជាពលរដ្ឋភូមិទួលខៀវសង្កាត់ប៉ៃលិនមានចំនួន២៩៧នាក់និងប្រជាពលរដ្ឋភូមិថ្មីសង្កាត់ទួលល្វាមានចំនួន១១៥គ្រួសារបានទទួលទឺកចំនួន៣រថយន្តចំណុះ១៨០០០លីត្រ ។
ដោយឡែក ស្ត្រីម៉េម៉ាយនិងចាស់ជរាចំនួន១២នាក់ភូមិទួលខៀវសង្កាត់ប៉ៃលិនទទួលទឹកសុទ្ធបន្ថែម១ប៊ីដុងនិងស្ត្រីម៉េម៉ាយនិងចាស់ជរាចំនួន៨នាក់ក្នុងភូមិថ្មីសង្កាត់ទួលល្វាទទួលទឹកសុទ្ធ៨ប៊ីដុងនិងទឹកសុទ្ធដបតូចចំនួន១៦យួរ ។ បន្ទាប់មកក្រុមការងារបានចុះសួរសុខទុកសិស្សសាលាបឯមសិក្សាភូមិទួលខៀវចែកនំស្ករគ្រាប់ថែមទាំងផ្តល់ទឺកបំពេញអាងទំហំ៤គុណ៤ម៉ែត្រ មានកំពស់៣ម៉ែត្រផងដែរនិងឲ្យសិស្សានុសិស្សខិតខំរៀនសូត្រដើម្បីជាទំពាំងស្នងឬស្សីទៅថ្ងៃអនាគត ៕
