ខេត្តបាត់ដំបង ៖ បុរសម្នាក់រកស៊ីជួញដូរគ្រឿងញៀនបន្តពីឪពុកត្រូវនគរបាលស្រុកកំរៀងចាប់និងដកហូតវត្ថុតាងថ្នាំញៀនមាំទឹកកក១០កញ្ចប់ និងប្រភេទយ៉ាម៉ា៤កញ្ចប់ស្មើ១៤៥គ្រាប់់ កាលថ្ងៃទី២៣ ខែមេសា ឆ្នាំ២០១៦ នៅភូមិស្វាយធំ ឃុំបឹងរាំង ស្រុកកំរៀងខេត្តបាត់ដំបង ។
លោក គឹម ពន្លក អធិការស្រុកកំរៀងបានឲ្យដឹងថា កម្លាំងល្បាតស្រុកកំរៀងប្រទះជនសង្ស័យដើរតាមផ្លូវ ឃាត់ខ្លួនរកឃើញថ្នាំញៀនយ៉ាម៉ា១៩គ្រាប់និងថ្នាំញៀនម៉ាទឹកកក១កញ្ចប់ក្រោយមកនាំជនសង្ស័យទៅលំនៅដ្ឋានឆែកឆេរបន្ត។
ជនសង្ស័យដែលឃាត់ខ្លួនមានឈ្មោះ យ៉ែម រ៉ាវុធ អាយុ៣២ឆ្នាំ រស់នៅភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង។ ដកហូតវត្ថុតាងសរុបថ្នាំញៀនមាំទឹកកក១០កញ្ចប់ និងប្រភេទយ៉ាម៉ា៤កញ្ចប់ស្មើ១៤៥គ្រាប់់ ។
លោកអធិការបន្តថា ជនសង្ស័យបានបន្តមុខរបរជំនួសឪពុកដែលបុរសជាឪពុក ត្រូវសមត្ថកិច្ចឃាត់ខ្លួនបញ្ជូនទៅតុលាការជាច្រើនឆ្នាំមុនរូបលោកមកកាន់តំណែងជាអធិការស្រុកកំរៀង ។ បច្ចប្បន្នជន សង្ស័យនិងវត្ថុតាងសមត្ថកិច្ចកសាងសំណុំរឿងបញ្ជូនទៅស្នងការដ្ឋាននគរបាលខេត្តចាត់ការបន្តទៅសាលាដំបូងខេត្តចាត់ការតាមនិតិវិធី ៕
