ខេត្តបាត់ដំបង ៖ កម្លាំងនគរបាលស្រុកឯកភ្នំបញ្ជូនបុរស៣នាក់ចំណោម៥នាក់ទៅស្នងការដ្ឋាននគរបាលលខេត្តបាត់ដំបងក្រោយវាយកាប់សម្លាប់មន្ត្រីយោធាម្នាក់ពេលអប់រំរឿងកុំឲ្យនាំមនុស្សផ្សេងទៅនេសាទខុសច្បាប់់តទៅទៀត។
ហេតុការណ៍ស្រាវជ្រាវឃាត់ខ្លួនក្រុមបុរសសង្ស័យទាំង៣នាក់កាលម៉ោង១៤និង៣០នាទីកាលថ្ងៃទី១១ខែមិនាឆ្នាំ២០១៦តាមភូមិសាស្ត្រក្នុងព្រៃពេលកំពុងរត់គេចចំណុចឡូត៍២ភូមិព្រែកទាល់ឃុំកោះជីវាំងស្រុកឯកភ្នំខេត្តបាត់ដំបង។ ហេតុការណ៍កាប់សម្លាប់មន្ត្រីយោធា១០និង៣០នាទីយប់ថ្ងៃទី៩ ខែមិនាឆ្នាំ២០១៦ នៅចំនុចស្វាយត្រាំ ក្នុងភូមិសាស្ត្រ ភូមិព្រែកទាល ឃុំកោះជីវាំង ស្រុកឯកភ្នំ ។
សមត្ថកិច្ចនគរបាលស្រុកឯកភ្នំបានឲ្យដឹងថាសពឈ្មោះ លន់ សុភា ហៅជីមភេទ ប្រុស អាយុ ៤៧ឆ្នាំស្នាប់កាប់លើមុខ២ពូថៅនិងស្នាមមុតនៅដៃស្តាំ១កន្លែង ជនររងគ្រោះរស់នៅភូមិ គោកពន្លៃ សង្កាត់ វត្តគរ ក្រុង និង ខេត្តបាត់ដំបង ។ ជាភ្នាក់ងារ ការិយាល័យ ទី២ កងពទ័ជើងគោកប្រចាំទិសបឹងទន្លេសាប ស្រុកឯកភ្នំ ខេត្តបាត់ដំបង។ ចំណែកបុរសសង្ស័យដែលឃាត់ខ្លួនមាន-ទី១ឈ្មោះថនថៃអាយុ៣៧ឆ្នាំ-ទី២ឈ្មោះភៀតក្លែបអាយុ ៣៤ឆ្នាំ-ទី៣ឈ្មោះខានភឿតអាយុ២៩ឆ្នាំ។ទាំង៣នាក់រស់នៅភូមិតាហែន២ឃុំរកាស្រុកសង្កែ ខេត្តបាត់ដំបង។ រីឯបក្ខពួកគេចខ្លួនបាត់មានឈ្មោះម៉េងភឿនអាយុ៣៥ឆ្នាំរស់នៅភូមិស្ពង់ឃុំអន្លង់វិលស្រុកសង្កែនិងឈ្មោះស៊ើនសាន្តអាយុ២៣ឆ្នាំរស់នៅភូមិតាហែន២ឃុំរកាស្រុកសង្កែ ខេត្តបាត់ដំបង។វត្ថុតាងដែលរកឃើញមានដំបងឈើជាងមួយម៉ែត្រ១ដើមនិងពូថៅដៃចំនួន១។
ប្រភពសាក្សីជាច្រើនបានឲ្យដឹងថា ជនរងគ្រោះនិងជនដៃដល់ធ្លាប់មានទំនាស់គ្នាម្តង រឿងហាមមិនឲ្យនេសាទខុសច្បាប់លុះដល់យប់កើតហេតុជនរងគ្រោះបានចូលរួមផឹកស៊ីជាមួយក្រុមដៃដល់ឈ្មោះថនថៃ ឈ្មោះភៀតក្លែប ឈ្មោះខានភឿត ឈ្មោះម៉េងភឿន និងឈ្មោះស៊ើនសាន្ត ហើយក៏និយាយដូចលើកមុនកុំឲ្យនាំគ្នាទៅរកស៊ីឆក់ត្រីក្នុងបឹងហាមឃាត់ ។ លុះយប់ជ្រៅម៉ោង១០និង៣០នាទីថ្ងៃទី៩ខែមិនាឆ្នាំ២០១៦ ឈ្មោះ ភៀត ក្លែប ជាអ្នកឌុបជនរងគ្រោះទៅកន្លែងដេកហើយក៏ត្រូគេវាយកាប់ រហូតដល់ម៉ោង១៤និង៣០នាទីថ្ងៃទី១០ ទើបប្រជាពលរដ្ឋប្រទះឃើញសពជនរងគ្រោះ ។
ជនសង្ស័យឈ្មោះថនថៃ ថា ខ្លួនមិនពាក់ព័ន្ធទេ តែដឹងថា ជនងរគ្រោះមិនត្រឹមតែវាយដំបងកាប់ពូថៅប៉ុណ្ណោះទេ ថែមទាំងមានកាំបិតកាប់ទៀត ជាពិសេសត្រង់មាត់ជនរងគ្រោះ ។ ជនសង្ស័យឈ្មោះ ភៀត ក្លែប បានឲ្យដឹងថា ខ្លួនជាអ្នកដឹងជនរងគ្រោះទៅ តែមិនដឹងគេលួចវាយកាប់ពីក្រោយទេ ។ ឈ្មោះ ខាន ភឿត បានឲ្យដឹងថា ខ្លួនដឹងថា ឈ្មោះ ម៉េង ភឿន និងឈ្មោះ ស៊ើន សាន្ត វាយជនរងគ្រោះក៏រត់គេចពីកន្លែងកើតហេតុ។
លោក ចង់ សោភ័ណ្ឌ អធីការរងទទួលបន្ទុកយុត្តិធម៌បានឲ្យដឹងថា ជនសង្ស័យទាំង៥នាក់ពិតជាបានប្រព្រឹត្តអំពើឃាតកម្មគិតទុកជាមុនប្រាកដមែនដែលមានចែងក្នុងមាត្រា២០០នៃក្រមព្រហ្មទ័ណ្ឌ ។
រាល់ហេតុការណ៍ដែលកើតមានឡើង សូមឲ្យប្រជាពលរដ្ឋរួសរាន់ផ្តល់ដំណឹងដល់សមត្ថកិច្ចដើម្បីធ្វើការឃាត់ខ្លួនជនសង្ស័យយកមកផ្តន្ទាទោសតាមផ្លូវច្បាប់ឲ្យទាន់់ពេលវេលា ៕
