ខេត្តបាត់ដំបង៖ ប្រជុំពង្រឹងសន្តិសុខនិងសណ្តាប់ធ្នាប់រឹតបន្តឹងច្បាប់ចរាចរណ៌ផ្លូវគោក ដល់នគរបាល១៣ ស្រុកនៅព្រឹកថ្ងៃទី៩ខែមិនាឆ្នាំ២០១៦នៅស្នងការដ្ឋននគរបាលខេត្តបាត់ដំបង ។
លោក សាត គឹមសាន្ត ប្រធានការិយាល័យចរាចរណ៍ផ្លូវគោកបានអានរបាយការណ៍ឈ្មោះ និងមុខងារនគរបាលតាមស្រុក រួចបានពន្យល់ថាក្រោយពីហៅម្ចាស់យាន្តមករកកំហុសឃើញត្រូវសរសេរក្បាលប័ណ្ណផាកពិន័យរួចថតជាប់យាន្តរបស់គាត់ងាយស្រួលពេលហួសកំណត់មិនមកបង់ផាកពិន័យយើងកសាងសំណុំរឿងបញ្ជូនទៅតុលាការ ។
លោក ស ថេត ស្នងការខេត្តបាត់ដំបងបានលើកបញ្ហាចំពោះការផាកពិន័យទី១ផាកពិន័យលើការបើកលើសល្បឿន ទី២ មិនពាក់មួកសុវត្ថិភាពកញ្ចក់ផាកតាមច្បាប់គ្មានការលើកលែងទេ ។ ទី៣ ជាតិស្រវឹងឃាត់យកមនុស្សយកមកកន្លែងដើម្បីកុំឲ្យបង្ករឿងផ្សេងដូករណីនៅស្រុកសំពៅលូនកន្លងមក ។ ចំពោះប័ណ្ណបើកបរស្លាកលេខអាចផាកពិន័យខ្លះអប់រំខ្លះ បើមានករណីអាចធ្វើទៅបាន ព្រោះស្លាកលេខនិងប័ណ្ណពាក់ព័ន្ធ ១ ចំនួន ខាងក្រសួងខ្លះមិនទាន់ចេញឲ្យអ្នកប្រើប្រាស់បាន១០០ភាគរយនៅឡើយទេ ។
បញ្ហាមន្ត្រីនគរបាលអនុវត្តន៍ពីមុនមានការធ្វើខុសឆ្គងដូច្នេះពេលចុះគោលដៅត្រូវពាក់ឯកសណ្ឋានមានស្រោមដៃ និងមួកសុវត្ថិភាពដាក់សាជី ឬស្លាកសញ្ញានៅគោលដៅ និងមានអកប្បកិរិយាល្អ មិនសំឡុងគំរាមចង្អុលមុខម្ចាស់យានយន្តឬក៏ទះក្បាលឡានគេទេ ។ ចំពោះថវិកាដែលផាកពិន័យបានត្រូវដាក់ចូលកុង (ស្នងការនិងស្នងការរងចរាចរណ័) នៅពេលកន្លះខែ ឬ១ខែ ទើបបើកចេញពីកុងរួចបែងចែអប្បហារ ជូនដល់ចរាចរណ៍ ដែលមានឈ្មោះប្រឹងអនុវត្តន៍ច្បាប់ ។ តាមពិត ប្រាក់នេះថ្នាក់លើឲ្យ ៣ ខែ បើកម្តង ដោយខ្ញុំយល់ថាមន្ត្រីគោលដៅមិនមានប្រាក់ជីវភាពប្រចាំថ្ងៃ ទើបសម្រេចបើកក្នុង១ខែ២ដង ។ នគរបាលគ្រប់ស្រុកត្រូវមើលការឈប់ចតរថយន្តគ្រប់ប្រភេទនៅចំណុចផ្លូវកោង ហើយគួរតែធ្វើភ្លើងវិលសំរាប់ដាក់សញ្ញាមុខក្រោយពេលរថយន្តខូចតាមផ្លូវនិងពិនិតមើលគោយន្តរថយន្តកែច្នៃដែលគ្មានចំណាំងផ្លាតឬភ្លើងបំភ្លឺផ្លូវ។ ពិនិត្យរថយន្តដឹកសំពីងសំពោងនិងដឹកធ្ងន់បណ្តាលឲ្យខូចផ្លូវនិងបាក់ស្ពានជាដើម ។ ពិនិត្យមើលក្រុមហ៊ុនរថយន្តក្រុងដឹកអ្នកនាំដំណើរមិនឲ្យចូលក្រុងនិងឈប់ចតរញ៉េរញ៉ៃតាមផ្លូវ ។ នគរបាលចរាចរណ៍និងនគរបាលយុត្តិធម៌ត្រូវសហការគ្នាទប់ស្កាត់និងឃាត់រថយន្តបទល្មើសផ្សេងៗឲ្យបានទាន់វេលា ដើម្បីការពារសន្តិសុខសណ្តាប់ធ្នាប់ជូនប្រជាពលរដ្ឋទូរទៅ ៕
