ខេត្តបាត់ដំបង ៖ បុរសម្នាក់ជាមន្ត្រីយោធាបើកត្រាក់ទ័រភ្ជួរដីចំការខ្លួនឯងកិនមីនតោន១គ្រាប់ផ្ទុះគ្រោះថ្នាក់ធ្ងន់ដឹកទៅមន្ទីរស្លាប់តាមផ្លូវ នៅវេលាម៉ោង០២និង៣៥នាទីរសៀល ថ្ងៃទី០៣ ខែមិនា ឆ្នាំ២០១៦ ស្ថិតនៅក្នុងភូមិកញ្ជាំង ឃុំស៊ុង ស្រុកសំឡូត ខេត្តបាត់ដំបង។
បុរសជាយោធាម្នាក់បានស្លាប់បាត់បង់ជីវិតឈ្មោះឡុងសុជាតិអាយុ៣៤ឆ្នាំជាមន្ត្រីយោធាកងពលថ្មើរជើងលេខ៥២ ។
តាមប្រភពពត៌មានបានឲដឹងថា មុនពេលកើតហេតុគេឃើញ បុរសម្នាក់ជាយោធា បានបើកត្រាក់ទ័រភ្ជួរដី ហើយក៏បានទៅកិន ប៉ះមីនតោន បណ្តាលឲ្យផ្ទុះលាន់យ៉ាងខ្លាំង ធ្វើបុរសយោធានោះ បានរបួសធ្ងន់ធ្ងរ ហើយក្រុមគ្រួសារដឹកទៅមន្ទីរពេទ្យខេត្តធ្វើការសង្គ្រោះតែអកុសលជនរងគ្រោះបានស្លាប់បាត់បង់ជីវិត នៅតាមផ្លូវ ហើយដឹកសពយកមកធ្វើបុណ្យនៅផ្ទះតាមប្រពៃណី ៕
