ខេត្តកណ្តាល ៖ បុរសឈ្មោះឌីដឹបម្ចាស់ចំការរាយខ្សែលួសប្រើចរន្តអគ្គិសនី ឆក់បុរសឆក់ត្រីស្លាប់ត្រូវសមត្ថកិច្ចស្រុកកៀនស្វាយបញ្ចូនសំណុំរឿងតុលាការ រសៀលថ្ងៃទី២ កុម្ភៈ ឆ្នាំ២០១៦ ចាត់ការតាមនិតិវិធី ។
គួររំលឹកផងដែរ ៖ បុរសម្នាក់ដើរទៅឆក់ត្រី(ប្រើឧបករណ៍នេសាទខុសច្បាប់) ឆ្លងកាត់ដីចំការអ្នកភូមិត្រូវជាប់អន្ទាក់អគ្គិសនីចាប់សត្វកណ្តុរ ឆក់ស្លាប់ នៅម៉ោង៣.៣០នាទីទៀបភ្លឺឈាន ចូលថ្ងៃទី០១ ខែមិនា ឆ្នាំ២០១៦ ត្រង់ចំណុចដីចំការក្នុងភូមិដីឥដ្ធកោះផុស ២ ឃុំដីឥដ្ឋ ស្រុកកៀនស្វាយ ខេត្តកណ្តាល ។
បើតាមលោក ប៉ា សំអិត អធិការនគរបាលស្រុកបានអោយដឹងថា បុរសរងគ្រោះមានឈ្មោះ ហ៊ិន វិចិត្រ អាយុ៣៥ឆ្នាំ មុខរបរកសិករ មានទីលំនៅភូមិឃុំកើតហេតុ (ស្លាប់) និងម្ចាស់ដីចំការ មាន ឈ្មោះ ឌី ដឹប ភេទប្រុសអាយុ៥០ឆ្នាំ រស់នៅភូមិឃុំជាមួយគ្នា។
លោកអធិការស្រុកបន្តថា នៅមុនពេលកើតហេតុឈ្មោះ ឌី ដឹប បានរាយខ្សែលួស ភ្ចាប់និងក្បាលអាគុយចាប់ជាប់ និងអាំងវទ័រដាក់ជុំវិញដីចំការ (ដាំបន្លែ) មិនអោយសត្វកណ្តុរវាស៊ីដំណាំ ស្រាប់តែជនរងគ្រោះទៅឆក់ត្រីក៍ដើរទាក់ខ្សែលួសបណ្តាលឆក់ស្លាប់ ភ្លាមៗ នៅកន្លែងកើតហេតុតែម្តង ។
លោកអធិការស្រុកបានបន្តទៀតថា ក្រោយពីកើតហេតុសមត្ថកិច្ចបច្ចេកទេសស្រុកបានចុះទៅធ្វើការ ត្រួតពិនិត្យឃើញថា ជនរងគ្រោះពិតជាឆក់ស្លាប់មែន ហើយបានប្រគល់សាកសពជូនក្រុមគ្រួសារយកធ្វើបុណ្យតាមប្រពៃណី ។ ចំណែកម្ចាស់អន្ទាក់មិនទាន់បានឃាត់ខ្លួនតាមផ្លូវច្បាប់ទេដោយឲ្យ ពួកគាត់ដោះស្រាយក្រៅផ្លូវច្បាប់ ។
លោកអធិការស្រុកបានឲ្យដឹងរសៀលថ្ងៃទី២កុម្ភៈឆ្នាំ២០១៦ថាចំពោះករណីខាងលើនេះវាជាប់ប្តឹងព្រះអាជ្ញារបស់តុលាការ ៕
