បន្ទាយមានជ័យ ៖ បុរសជនសង្ស័យ២នាក់ត្រូវបានអាវុធហត្ថក្រុងប៉ោយប៉ែតឃាត់ខ្លួនពីបទជួញដូរខុសច្បាប់នូវសារធាតុញៀន និងដកហូតបានភស្តុតាង គ្រឿងញៀនប្រភេទមេតំហ្វេតាមី អាយស៍ ចំនួន ២៧ថងតូច និងគ្រឿងញៀន ប្រភេទមេតំហ្វេតាមីន យ៉ាម៉ា ចំនួន១៣៤គ្រាប់និងសម្ភារៈមួយចំនួនទៀត ។
ប្រតិបត្តិការនេះនៅយប់ថ្ងៃទី២៨ ខែកុម្ភៈ ឆ្នាំ២០១៦ នៅភូមិក្បាលស្ពាន២ សង្កាត់-ក្រុងប៉ោយប៉ែត ។
លោកឧត្តមសេនីយ៍ត្រី ឱ បូរិន្ទ មេបញ្ជាការអាវុធហត្ថខេត្ត បានឲ្យដឹងនៅថ្ងៃទី២៩ ខែកុម្ភ: នេះថា ក្រោយពីកម្លាំងសមត្ថកិច្ចជំនាញ យើងធ្វើការស្រាវជ្រាវរកហូតឈានមកដល់ឃាត់ខ្លនបានជនសង្ស័យ២នាក់៖ បុរសជនសង្ស័យទី១ ឈ្មោះសុខ ចាន់ធឿន ហៅក្តាម អាយុ៤៧ឆ្នាំ និងទី២ឈ្មោះសេង ពិសិដ្ឋ អាយុ២៦ឆ្នាំ អ្នកទាំង២នាក់នេះរស់នៅក្រុងប៉ោយប៉ែត ។
វត្ថុតាងដែលដកហូតបាន រួមមាន គ្រឿងញៀនប្រភេទមេតំហ្វេតាមី អាយស៍ ចំនួន២៧ថងតូច និងគ្រឿងញៀន ប្រភេទមេតំហ្វេតាមីន យ៉ាមា ចំនួន១៣៤គ្រាប់ ម៉ូតូ ១គ្រឿងញៀន ទូរសព្ទ័ដៃ ៣គ្រឿង នាឡិកាដៃ១ គ្រឿង កាបូបលុយ២ និងលុយថៃ ២៥៤០បាត ។
បច្ចុប្បន្ននេះសមត្ថកិច្ចកំពុងសាងសំណុំរឿងជនសង្ស័យនិងភស្តុតាងគ្រឿងញៀន បញ្ជូនទៅកាន់ សាលាដំបូងខេត្តចាត់ការតាមផ្លូវច្បាប់៕
