ខេត្តកណ្ដាល៖ យុវជនសង្ស័យ៤ នាក់ជាសិស្សនិង ថ្នាំញៀនម៉ាទឺកកក ០២ កញ្ចប់តូចត្រូវកម្លាំងនគរបាលស្រុកកោះធំឃាត់ខ្លួន វេលាម៉ោង ០៩ និង ០០ នាទី ថ្ងៃទី ២៦ ខែ កុម្ភៈ ឆ្នាំ ២០១៦ រោងកាហ្វេ ភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្ដាល ។
ប្រភពពីនគរបាលស្រុកកោះធំបានឲ្យដឹងថាយុវសិស្សជាជនសង្ស័យដែលឃាត់ខ្លួនចំនួន ០៤ នាក់មាន១/-ឈ្មោះ ស៊ន ម៉េងហ៊ត អាយុ ១៦ ឆ្នាំ ជនជាតិខ្មែរ ទីលំនៅភូមិកោះចាស់ ឃុំព្រែកស្ដី ស្រុកកោះធំ ខេត្តកណ្ដាល មុខរបរ សិស្ស ។២/-ឈ្មោះ ស៊ុយ សុងហ៊ាង អាយុ ១៦ ឆ្នាំ ជនជាតិ ខ្មែរ មានទីលំនៅភូមិកោះចាស់ ឃុំព្រែកស្ដី ស្រុកកោះធំ ខេត្តកណ្ដាល មុខរបរ សិស្ស ។ ៣/-ឈ្មោះ ខេង សុវណ្ណារ៉ា អាយុ ១៩ ឆ្នាំ ជនជាតិ ខ្មែរ មានទីលំនៅភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្ដាល មុខរបរ សិស្ស ។ 4/-ឈ្មោះ ធី ផានិត អាយុ ១៦ ឆ្នាំ ជនជាតិ ខ្មែរ មានទីលំនៅភូមិប្រធាតុ ឃុំព្រែកស្ដី ស្រុកកោះធំ ខេត្តកណ្ដាល មុខរបរ សិស្ស ។
វត្ថុតាងដែលដកហូតបានមាន ១/-ម្ស៉ៅក្រាមពណ៌សថ្លាសង្ស័យសារធាតុញៀន (ម៉ាទឹកកកIce) ចំនួន ០២ កញ្ចប់តូច ។ ២/-ទូរស័ព្ទដៃចំនួន ០១ គ្រឿង ៣/-សំម្ភារៈសម្រាប់ប្រើប្រាស់ និង វេចខ្ចប់គ្រឿងញៀនមួយចំនួន ។
សមត្ថកិច្ចបានបន្តថា កាលពីវេលាម៉ោងកើតហេតុខាងលើកម្លាំងសមត្ថកិច្ចជំនាញនគរបាលស្រុកកោះធំ បានចុះបង្ក្រាបមុខសញ្ញាចែកចាយគ្រឿងញៀនយ៉ាងសកម្ម នៅចំណុចរោងលក់កាហ្វេ ភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្ដាល ។ ពេលនោះកម្លាំងជំនាញបានធ្វើការឃាត់ខ្លួនជនសង្ស័យ ០៤ នាក់ខាងលើ រួមនិងវត្ថុតាងគ្រឿងញៀនចំនួន ០២ កញ្ចប់តូចដែលនៅជាប់និងខ្លួនឈ្មោះ ស៊ន ម៉េងហ៊ត ហើយនិងសម្ភារៈសម្រាប់ប្រើប្រាស់ វេចខ្ចប់មួយចំនួនទៀត បញ្ជូនមកកាន់អធិការដ្ឋាននគរបាលស្រុកកោះធំ ។
តាមចម្លើយសារភាពរបស់ជនសង្ស័យទាំង ០៤ នាក់ខាងលើបានឆ្លើយសារភាពថា ថ្នាំញៀនចំនួន ០២ កញ្ចប់តូចខាងលើគឺពួកគេបានទទួលយកពីឈ្មោះ … ជនជាតិខ្មែរ មានទីលំនៅភូមិព្រែកតាហ៊ីង ឃុំព្រែកថ្មី ស្រុកកោះធំ ខេត្តកណ្ដាល ។ ឈ្មោះ … ដែលជាមេខ្លោងកំពុងគេចខ្លួន ហើយសមត្ថកិច្ចកំពុងស្រាវជ្រាវតាមចាប់ខ្លួន ។
បច្ចុប្បន្នជនសង្ស័យទាំង០៤នាក់ខាងលើនិងវត្ថុតាងត្រូវបានសមត្ថកិច្ចនគរបាលស្រុកកោះធំ កសាងសំណុំរឿងបញ្ជូនទៅស្នងការដ្ឋាននគរបាលខេត្តកណ្តាលដើម្បីចាត់ការតាមផ្លូវច្បាប់ ៕
