បាត់ដំបង ៖ បុរសម្នាក់និងបក្ខពួកម្នាក់ជាអ្នកបើកឡានវាយធ្វើបានស្ត្រីអូតេសម្នាក់កូនខ្ចីនៅខារ៉ាអូខេអូមេហ្គារហូតសន្លប់ដោយខឹងតាមស្រលាញ់នាងមិនបានកាលពីម៉ោង១និង៣០នាទីយប់ ថ្ងៃទី២៣ ខែកុម្ភៈ ឆ្នាំ២០១៦ នៅខារ៉ាអូខេអូមេហ្គា ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ហើយយកនាងទៅទម្លាក់នៅគ្លីនីកឯកជនហួតសុគុណ ភូមិព្រែកមហាទេព សង្កាត់ស្វាយប៉ោ ក្រុងបាត់ដំបង។
តាមការរៀបរាប់ពីស្ត្រីរងគ្រោះបានឲ្យដឹងនៅព្រឹកថ្ងៃទី២៥ខែកុម្ភៈឆ្នាំ២០១៦ថានាងខ្ញុំឈ្មោះលួមសុជាតិអាយុ១៧ឆ្នាំមានកូនតូច៣ខែ(ប្តីទៅធ្វើការងារនៅប្រទេសថៃ)រស់នៅភូមិអូតាគាំ១សង្កាត់ទួលតាឯកក្រុងបាត់ដំបងទើបទៅបម្រើការងារផែ្នក(អូតេសotes)ថ្ងៃទី១នៅហាងខារ៉ាអូខេអូមេហ្គាកាលពីម៉ោង១យប់ថៃ្ងទី២៣ខែកុម្ភៈឆ្នាំ២០១៦ពេលនាំភ្ញៀវចេញពីច្រៀងសំដៅមករថយន្តស្រាប់តែមានបុរស២នាក់ទៀតឈរចាំចាប់វាយអូសចូលរថយន្តហើយបើកចេញពីកន្លែងកើហេតុឆ្វែលក្នុងក្រុងបាត់ដំបងនិងសំរាតខោអាវព្រមទាំងគំរាមសំលាប់ចោលបើមិនស្រលាញ់រូបគេ។បុរសដៃដល់ឈ្មោះវ៉ានិងម្នាក់អង្គុយចាំក្នុងរថយន្តនីសាន់ម៉ាញជាអ្នកបើកបរមានឈ្មោះពេ។នាងខ្ញុំភ្ញាក់ដឹងខ្លួននៅពេទ្យឯកជនហួតសុគុណ ពេលនោះគ្រូពេទបានប្រាប់ថា អ្នកបើករថយន្តពាក់អាវការ៉ូទុកកាបូបលុយឲ្យនាងវិញនិងថែមលុយ៥ម៉ឺនទៀតទុកប្តឹងឈ្មោះវ៉ាដែលវាយធ្វើបាបនាង។
ស្ត្រីរងគ្រោះបានបន្តថា នាងធ្លាប់មកទំនាក់ទំនងសេ្នហាជាមួយជនសង្ស័យកាលពី២ឆ្នាំមុន ពេលនាងខ្ញុំមានបី្ត និងកូនក៏ជនសង្ស័យ តាមរករឿងដល់ផ្ទះ និងកន្លែងធ្វើការងារទៀត ។ កាលពីឆ្នាំ២០១៤ ឈ្មោះវ៉ាបានជិះម៉ូតូយកផាវគ្រាប់បែកមកដុតចូលផ្ទះនាងខ្ញុំ ហើយនៅម៉ោងង១យប់ថៃ្ងទី២២ ខែកុម្ភៈ ឆ្នាំ២០១៦ ឈ្មោះវ៉ាបានយកដុំថ្មមកគប់របងផ្ទះធ្វើពីសង្ក័សី បង្កការធ្លុះធា្លយផងដែរ ។ នាងខ្ញុំបានទៅដាក់បណឹ្តងនៅសមត្ថកិច្ចទាំង២រឿងនេះ ហើយតែមិនទាន់ឃើញមានចំណាត់ការទៀតដោយឮថាខាងកម្លាំងអាវុធហត្ថខេត្តចាប់បានឈ្មោះ ពេ អ្នកបើករថជាមួយជនសង្ស័យហើយដោះលែងទៅវិញ ដូច្នេះសូមឲ្យអាជ្ញាធរសមត្ថកិច្ចជួយចាប់ជនសង្ស័យយកផ្តន្ទាទោសសផង។
លោក សូឌី ប្រធានមន្ទីរស្រាវជ្រាវយុត្តិធម៌អាវុធហត្ថខេត្តបាត់ដំបងបានឲ្យដឹងថា ការដោះលែងឈ្មោះ ពេ អ្នកបើកបររថយន្ត ដោយបុរសនេះបានជួយផ្តល់យោបល់ និងថវិកាឲ្យជនរងគ្រោះទៅប្តឹងសមត្ថកិច្ច ចំណែកជនសង្ស័យសមត្ថកិច្ចកំពុងតាមស្វែងរកចាប់ខ្លួនយកមកផ្តន្ទាទោសតាមផ្លូវច្បាប់។
គួរបញ្ជាក់ថា កាលពីម៉ោង២៣យប់ ថ្ងៃទី២៤ ខែធ្នូ ឆ្នាំ២០១៤ នៅចំណុចផ្លូវលេខ១(មុខវិហារចិន) ភូមិ២០ ឧសភា សង្កាត់ស្វាយប៉ោ ក្រុងបាត់ដំបង ឈ្មោះ ហង្ស មុនាថ ហៅវ៉ា របរលក់ប្រហិត និងឈ្មោះវ៉ិត (ជាអ្នកបើកបររថយន្តអោយឈ្មោះហង្សមុនាថ) បានយកវត្ថុរឹងវាយបុរសម្នាក់ឈ្មោះ ហៀង រ៉ាឌី អាយុ២៥ឆ្នាំ របរជាងជួសជុលរថយន្តណ្តាលអោយរងរបួសធ្ងន់ពេលដឹកទៅព្យាបាលនៅពេទ្យអ៊ិម៉ឺជេស្ស៊ីដល់ ថ្ងៃទី៣០ខែធ្នូឆ្នាំ២០១៤ ជនរងគ្រោះស្លាប់ ចំណែកម្តាយសព អ្នកស្រីឈ្មោះ តិច ហេង សុំថ្លៃធ្វើបុណ្យក៏មិនបាន រីឯជនបង្កដើរអួតអាងពេញភូមិ មិនអាចជាប់គុក ព្រោះពួកគេចេះបង្វែរសំណុំរឿង ដោយចំណាយលុយ៧ពាន់ដុល្លា។
ទង្វើទាំងនេះប្រជាពលរដ្ឋនិងអ្នកច្បាប់បានរង់ចាំមើលនិងរិះគន់ថាការអនុវត្តន៍ច្បាប់ដោយការយោគយល់ឬអាងខ្នងបង្អែកពីក្រោយឬលុយកាក់់តើប្រទេសជាតិនិងប្រជាពលរដ្ឋទន់ខ្សោយនឹងក្លាយទៅជាយ៉ាងណាដូច្នេះសូមសមត្ថកិច្ចថ្នាក់លើជួយសង្កត់រឹតបន្តឹងបញ្ជាឲ្យចាប់ខ្លួនជនសង្ស័យយកផ្តន្ទាទោសតាមច្បាប់ឲ្យបានឆាប់រហ័សនោះទើបជាគំរូល្អ ៕
