បន្ទាយមានជ័យ៖ កម្លាំងនគរបាលជំនាញ បង្ក្រាបក្រុមចោរ២នាក់ចំណោម៣នាក់ ប្លន់គ្រឿងអលង្ការ និងលុយដោយកាំភ្លើងខ្លីមួយដើមត្រូវកម្លាំងនគរបាលជំនាញ នៃស្នងការដ្ឋាននគរបាល ខេត្តបន្ទាយមានជ័យ សហការជាមួយនគរបាល ក្រុងប៉ោយប៉ែត និងនគរបាលវរៈ៩១១ ដេញចាប់បាន នៅរសៀលថ្ងៃទី២៤ ខែកុម្ភៈ ឆ្នាំ២០១៦នៅចំណុចស្រះបេះដូង សង្កាត់-ក្រុងប៉ោយប៉ែត ខេត្តបន្ទាយមានជ័យ។
លោក សូ ចាន់ណារី មេបញ្ជាការវរការពារព្រំដែនលេខ៩១១ បានប្រាប់ ឲ្យដឹងថា «កម្លាំងនគរបាលជាច្រើននាក់ ក្រោមការបញ្ជាផ្ទាល់ ពីលោកឧត្តមសេនីយ៍ អាត់ ខែម ស្នងការ ខេត្តបន្ទាយមានជ័យបានចាប់ជនសង្ស័យ២នាក់ ហើយកំពុងសាកសួរ»។ បើតាមលោក សូ ចាន់ណារី នៅមានបក្ខពួករបស់វាទៀតដែលកំពុងរត់គេចខ្លួន ដែលយើងកំពុងតាមប្រម៉ាញ់។
សូមបញ្ជាក់ថា ជនសង្ស័យ២នាក់ ប្រដាប់ដោយកាំភ្លើងខ្លីមួយដើម បានធ្វើសកម្មភាពទៅភ្ជង់ប្លន់ យកថង់ដាក់គ្រឿងអលង្ការ និងលុយរបស់ស្ត្រីអាជីវករលក់មាស នៅផ្សារយួនក្រុងប៉ោយប៉ែត ខេត្តបន្ទាយមានជ័យ នៅព្រឹកថ្ងៃទី២៤ ខែកុម្ភៈ ឆ្នាំ២០១៦នេះ ត្រូវបានសមត្ថកិច្ចបញ្ជាក់ថា ក្រោយការសួរនាំ ជនរងគ្រោះបានប្រាប់ថា បាត់បង់គ្រឿងអលង្ការមួយចំនួន និងលុយដុល្លារ លុយខ្មែរ លុយបាត សរុបជាង៦ពាន់ដុល្លារ។
សមត្ថកិច្ចបន្តថាជនសង្ស័យ២នាក់ឃាត់ខ្លួន ទី១ឈ្មោះយ៉ាង ធូ ភេទប្រុសអាយុ ៣៧ឆ្នាំ អ្នកអោយស៊ើប និងផ្តល់ទីតាំង និងស្រីម្នាក់ទៀតពុំទាន់ដឹងអត្តសញ្ញាណនោះឡើយ ។ មកដល់ពេលសមត្ថកិច្ចកំពុងសាកសួរ នៅឡើយ នៅអធិការដ្ឋាននរបាលក្រុងប៉ោយប៉ែត៕
