ខេត្តបន្ទាយមានជ័យ៖ រថយន្តតូយ៉ូតាដឹកអ្នកដំណើរនិងរថយន្តសាំយ៉ុងដឹកអ្នកដំណើរ បើកបញ្ច្រាស់ទិសគ្នា ស្លាប់១នាក់ របួស២នាក់ អ្នកបើកបរទាំង២នាក់ គេចខ្លួនបាត់ នៅវេលាម៉ោង៦និង២០នាទីថ្ងៃទី២៤ ខែកុម្ភៈឆ្នាំ២០១៦ នៅចំណុចលើកំណាត់ផ្លូវជាតិលេខ៥ ខាងកើតសកលវិទ្យាល័យមានជ័យ១០០ម៉ែតស្ថិក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័័ណ ខេត្តបន្ទាយមានជ័យ។
ប្រភពបានឲ្យដឹងថា មានករណី គ្រោះថ្នាក់ចរាចរមួយកើតឡើងរវាងរថយន្តនិងរថយន្ត បើកបញ្ច្រាស់ទិសគ្នា បង្ករឡើងដោយរថយន្តម៉ាកTOYOTA ស៊ីណា ព័ណ៍ ស ពាក់ស្លាកលេខភ្នំពេញ2AB3907បើកបរទិសដៅពីកើតទៅលិច លុះមកដល់ចំណុចកើតហេតុខាងលើបានប៉ះជាមួយរថយន្ត១គ្រឿងម៉ាកសាំងយ៉ុងISTNA(តូរីស)ព័ណ៍សំបកឪឡឹកពាក់ស្លាកលេខ បាត់ដំបង2A9314បណ្ដាលអោយអ្នកដំណើរជិះលើស៊ីណាស្លាប់ម្នាក់ឈ្មោះ ផុន សុភ័ណ ភេទស្រី អាយុ៤៧ឆ្នាំ រស់នៅភូមិបាលិលេយ្យ១ សង្កាត់និងក្រុងប៉ោយប៉ែត ខេត្តបន្ទាយមានជ័យ ។ ២នាក់ទៀតរងរបួសត្រូវបានបញ្ជូនទៅមន្ទីរពេទ្យបង្អែកក្រុងសិរីសោភ័ណដើម្បីសង្គ្រោះ ។ ចំណែកភាគីម្ខាងទៀតពុំមានរងរបួសទេ ចំណែកម្ចាស់រថយន្តទាំងសងខាងរត់គេចខ្លួនបាត់។ រថយន្តទាំង២គ្រឿងត្រូវបាន នគរបាលចរាចណ៍ផ្លូវគោកនៃស្នងការរដ្ឋាន នគរបាលខេត្តបន្ទាយមានជ័យ យកទៅរក្សាទុក្ខនៅដើម្បីធ្វើការដោះស្រាយនៅពេលក្រោយ ៕
