ខេត្តព្រះវិហារ ៖ ស្លាប់ជនជាតិចិន២នាក់ នៅពេលដឹកទៅដល់មន្ទីរ ពេទ្យ បង្អែកខេត្ត និងជនជាតិខ្មែរជាច្រើនរងរបួសរឿងដណ្តើមស្រីស្នេហ៍នៅហាងខារាអូខេខេត្តព្រះវិហារ នៅវេលា ម៉ោង១២និង០៥នាទីយប់ឈានចូលថ្ងៃទី២២ ខែកុម្ភៈ ឆ្នាំ២០១៦ស្ថិតនៅភូមិពោធិ៍ទាបឃុំម្លូរព្រៃ២ ស្រុកឆែប ក្បែររដ្ឋបាល ក្រុមហ៊ុនដាំអំពៅ។
ប្រភពព័ត៌មាន ផ្សេងទៀត បានអោយដឹងថា មុនកើតជម្លោះរវាង ភាគីខ្មែរនិងជនជាតិចិនគឺនៅយប់ថ្ងៃទី២១ ខែកុម្ភៈ ឆ្នាំ២០១៦ ជនជាតិចិនមកពី ក្រុមហ៊ុនដាំអំពៅ២នាក់ និងបុគ្គលិកខ្មែរម្នាក់ចូល ទៅច្រៀងខារ៉ាអូខេ ក្នុងហាងសាមញ្ញមួយ កន្លែងមានយីហោឈ្មោះ ផ្កាយរាត្រី។ស្រាប់តែមកដល់ម៉ោង១២និង០៥នាទីយប់ឈានចូលថ្ងៃទី២២ កុម្ភៈ ក៏មានរឿងជម្លោះហិង្សាកាប់ចាក់ ដ៏សាហាវមួយបានកើតទ្បើង នៅតាមដងផ្លូវចូលទៅរដ្ឋបាលក្រុមហ៊ុនចិនទល់មុខស្ថានីយ សាំងការដ្ឋានចិនដែលនៅឆ្ងាយផុត ពីហាងខារ៉ាអូខេ ប្រមាណ១គីទ្បូម៉ែត្រ។
ស្ថានភាពមុខរបួសជនជាតិចិនម្នាក់ ត្រូវគូជម្លោះជនជាតិខ្មែរម្ខាងទៀត ប្រើកាំបិតមុខស្រួចប្រវែងកន្លះម៉ែត្រ ចាក់ត្រូវចំក្រលៀនក្បែរចង្កេះចំនួន២កាំបិត ជនជាតិចិនម្នាក់ទៀត ចាក់ត្រូវស្មានិងខ្នងសុះពេញខ្លួនរីឯបុគ្គលិកខ្មែរម្នាក់ត្រូវខ្នងច្រើនកាំបិតរងរបួសធ្ងន់។ទីតាំងកើតហេតុការណ៍ឃើញមានឈាមរបស់ជនរងគ្រោះទាំង៣នាក់ កកជោកជាំនៅលើថ្នល់។
ម្ចាស់ហាងខារ៉ាអូខេ បានអោយក្រុមអ្នកសារព័ត៌មានក្នុងស្រុកដឹងនៅព្រឹកថ្ងៃទី២២ កុម្ភៈថា ជម្លោះកាប់ចាក់សម្លាប់គ្នាបណ្តាលអោយជនជាតិចិន២នាក់ ស្លាប់ និងបុគ្គលិកខ្មែរម្នាក់ទៀតរបួសធ្ងន់មិនពាក់ព័ន្ធកន្លែងខារ៉ាអូខេ របស់គាត់ទេ គឺហាង ខារ៉ាអូខេរបស់គាត់បានបិទទ្វារ ឈប់អោយច្រៀងកម្សាន្ត តាំងពីម៉ោង១១ យប់ម្ល៉េះ ។ រហូតដល់ព្រឹកថ្ងៃទី២២ កុម្ភៈ ទើបគាត់ដឹងថា ទីតាំងជម្លោះ កើតទ្បើងនៅទល់ មុខស្ថានីយសាំងក្រុមហ៊ុនចិន នៅឆ្ងាយពីហាងខារ៉ាអូខេរបស់គាត់តែម្តង។
អាជ្ញាធរស្រុកឆែប បានអោយដឹងយ៉ាងខ្លីថា ករណីជម្លោះហិង្សាបណ្តាល អោយជនជាតិចិន២នាក់ស្លាប់និងខ្មែរម្នាក់របួសធ្ងន់បណ្តាលមក ពីប្រកែកគ្នារឿងអាប់លុយកាក់ខុស ។
អ្នកយកព័ត៌មានយើងមិនអាចទាក់ទងលោកអធិការ ស្រុកឆែបបានទេ ដើម្បីសាកសួរពីជម្លោះហិង្សា ដ៏សាហាវខាងលើនេះដោយទូរស័ព្ទលោកទាក់ទងមិនបានទេនៅថ្ងៃនេះ(២២ ០២ ) ។
បើយោងតាមប្រភពពីប្រជាពលរដ្ឋ ដឹងហេតុការណ៍ បានអោយដឹងថា ក្រោយកើតហេតុការណ៍ឃើញកំលាំងនគរបាលស្រុកខេត្ត បានចុះទៅឃាត់ខ្លួនមនុស្សសង្ស័យចំនួន៦នាក់ នាំខ្លួនទៅសាកសួរនៅស្នងការដ្ឋាននគរបាលខេត្តព្រះវិហារ ។
ក្នុងយប់នោះ ក្រោយកើតហេតុការណ៍ បន្តិចជនជាតិប្រមាណ១០០នាក់ នាំគ្នាចេញមកពីការដ្ឋានក្រុមហ៊ុនចិនកេណ្ឌគ្នា មកជួយគ្នារបស់គេប៉ុន្តែ ជនដៃដល់បានសម្ងំក្នុងផ្ទះក្បែរៗនោះហើយជនជាតិបានយកដំថ្មគប់ ទៅលើដំបូលផ្ទះរបស់ឈ្មោះ ថា ភេទប្រុសដែលគាត់មានកូនប្រុស២នាក់ សង្ស័យជាជនដៃដល់។
ព័ត៌មានទទួលបាននៅវេលាម៉ោង១២រសៀលថ្ងៃទី២២ កុម្ភៈនេះបានអោយដឹងថា ស្ដ្រីម្ចាស់ហាងខារ៉ាអូខេម្នាក់ និងពលរដ្ឋម្នាក់ទៀតត្រូវ បាននគរបាលជំនាញ អនុញ្ញាតអោយទៅផ្ទះវិញក្រោយពីសាកសួររួច។ រីឯបុរសជាជនសង្ស័យ៤នាក់ ក្នុងនោះជនសង្ស័យម្នាក់ឈ្មោះ ថា និងកូនប្រុសរបស់ខ្លួន២នាក់ រួមទាំងជនសង្ស័យ ទៀតទៀតកំពុងស្ថិតក្នុងស្នងការដ្ឋាន នគរបាលនៅទ្បើយ ។ រីឯអត្តសញ្ញាណជនរងគ្រោះនិងជនសង្ស័យមិនទាន់បានដឹងច្បាស់ នោះទេដោយសារ សមត្ថកិច្ចមិនបានផ្ដល់ព័តមានលំអិតនេះដល់អ្នកសារព័តមានឲបានដឹងលំអិតពីករណីនេះឡើយ ។
បើយោងតាមប្រភពពីក្រុមអ្នកកាសែតប្រចាំខេត្តព្រះវិហារបាននាំគ្នាលើកឡើងថា «ព៏តមានដ៍រសើបមួយនេះហាក់ត្រូវបានគេលាក់បាំងជាមួយអ្នកកាសែត!»?Sic?
នគរបាលជំនាញមិន អនុញ្ញាតអោយអ្នកសារព័ត៌មាន ប្រចាំខេត្តព្រះវិហារចូលទៅក្នុងស្នងការដ្ឋាននគរបាលខេត្ត ដើម្បីយកព័ត៌មាន និងថតរូបជនសង្ស័យទាំង៤នាក់ នោះទ្បើយ។ព័ត៌មានសន្តិសុខសង្គមដែលគ្រប់គ្រងដោយសមត្ថកិច្ចនៅខេត្តព្រះវិហារ នៅតែមានអាថ៌កំបាំងជានិច្ចជាមួយអ្នកសារព័ត៌មាន ដោយបញហាជាច្រើនដែលតែងតែកើតមាននៅលើទឹកដីនៃខេត្តព្រះវិហារកន្លងមកគឺសម្ថកិច្ចជំនាញពាក់ព័ន្ធហាក់មិនចង់អោយ អ្នកសារព័ត៌មានដឹងឮនោះទ្បើយ។
តែទោះបីជាយ៉ាងណាក៏ដោយក៏អ្នកយកព័ត៌មាននឹងព្យាយាមសុំការពន្យល់ពីសម្ថកិច្ចពីបញ្ហាករណីកើតឡើងទំនាស់នៅហាងខារាអូខេខាងលើនេះនៅពេលក្រោយជាបន្តទៀតផងដែរ ៕
