ខេត្តកណ្តាល៖ កម្លាំងនគរបាលខេត្តកណ្តាលស្រាវជ្រាវឃាត់ខ្លួន បុរសសង្ស័យម្នាក់ជាចោរប្លន់ម្នាក់ចំណោម៤នាក់ រីឯបក្សពួករត់គេចខ្លួនបាត់នៅថ្ងៃទី២២ខែកុម្ភៈឆ្នាំ២០១៦ នៅឃុំព្រែកតាកូវស្រុកខ្សាច់កណ្តាលខេត្តកណ្តាល។
បើតាមឯកឧត្តម អ៊ាវ ចំរើន ស្នងការនគរបាលខេត្តកណ្តាលបានអោយដឹងថា បុរសជនសង្ស័យដែលត្រូវឃាត់ខ្លួនមានឈ្មោះ ឈឹម សុផល អាយុ៤១ឆ្នាំ នៅឃុំព្រាលស្រុកកញ្ចៀចខេត្តព្រៃវែង មកជួលផ្ទះស្នាក់នៅភូមិឃុំកើតហេតុខាងលើ ជាមួយបក្ខពួក៣.៤ទៀតដែលបានគេចខ្លួន ។
ឯកឧត្តមបានបន្តថា ជនសង្ស័យខាងលើធ្លាប់ជាប់គុកនៅព្រៃសរួចផេ្ទរទៅរស់នៅខេត្តបន្ទាយមានជ័យ និងបន្តផ្ទេរទៅខេត្តកំពងចាម ដល់ឆ្នាំ២០១៣ ចេញពីគុកនៅទីនោះ ។ ជនសង្ស័យម្នាក់ធ្លាប់ប្លន់នៅស្រុកខ្សាច់កណ្តាល ខេត្តកណ្តាល កាលពីថ្ងៃទី១២.១២.២០១៥នៅផ្ទះវីងផ្ញើលុយស្ថិតនៅឃុំព្រែកតាកូវស្រុកខ្សាច់កណ្តាលខេត្តកណ្តាល។
ឯកឧត្តមបានបន្តទៀតថា នៅថ្ងៃទី២២ ខែកុម្ភៈ ឆ្នាំ២០១៦ បានបញ្ចូនទៅតុលាការបានចេញដីការ ឃុំខ្លួនបណ្តោះអាសន្ន ដោយលោក អ៊ី សុវណ្ណ ចៅក្រមស៊ើបសួរនៃសាលាដំបូងខេត្តកណ្តាល ៕
