ខេត្តបន្ទាយមានជ័យ ៖ កម្លាំងនគបាលប្រឆាំងគ្រឿងញៀនបានបញ្ជូនជនសង្ស័យស្រីប្រុស២នាក់ម៉ាទឺកកចំនួន១០ថង់តូចស្មើ២.៤ក្រាមទៅតុលាការ នាថ្ងៃទី២២ ខែមករា ឆ្នាំ២០១៦ ចាត់ការតាមនិតិវិធី ។
លោកវរសេនីយ៍ឯក ចាប សុផារិទ្ធ ស្នងកានគបាលរងខេត្តបន្ទាយមានជ័យទទួលបន្ទុកផ្នែកបង្ក្រាបគ្រឿងញៀន និងបទល្មើសសេដ្ឋកិច្ចបានឲ្យដឹងថា កំលាំងនគរបាលសណ្តាប់ធ្នាប់និងអន្តរាគមន៍នៃស្នងការនគរបាលខេត្តបន្ទាយមានជ័យមួយក្រុមបានចុះល្បាត នៅវេលាម៉ោង៩យប់ថ្ងៃទី២១ខែមករាឆ្នាំ២០១៦នៅចំណុច ប្លុករ៉ារទេះភ្លើង ស្ថិតក្នុងភូមិ៤សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បានប្រទះឃើញមុខសញ្ញាជនសង្ស័យម្នាក់កំពុងលក់និងប្រើប្រាស់គ្រឿងញៀននគបាលបានធ្វើការឃាត់ខ្លួននិងបានដកហូតវត្ថុតាមានថ្នាំប្រភេទមេតំហ្វេតាមីនអាយស៍ម៉ាទឺកកចំនួន១០ថង់តូចស្មើ២.៤ក្រាមក្រោយពីចាប់បានម្នាក់ហើយនគបាលបន្តទៅឆែកផ្ទះស្ត្រីម្នាក់ទឿតបានរកឃើញឧបករណ៍ជក់ជាច្រើន។ជនសង្ស័យទាំង២នាក់នេះត្រូវបាននគបាលអន្តរាគមន៍បញ្ជូនមកស្នងការខេត្តបន្ទាយមានជ័យសើម្បីសាកសួរ។
លោកវរសេនីយ៍ឯក ចាប សុផារិទ្ធ ស្នងកានគបាលរងខេត្តបន្ទាយមានជ័យទទួលបន្ទុកផ្នែកបង្ក្រាបគ្រឿងញៀននិងបទល្មើសសេដ្ឋកិច្ចបានឲ្យដឹងថាជនសង្ស័យទាំង២នាក់មានឈ្មោះ សុត ចាន់ថង ស្រីអាយុ២៧ឆ្នាំមុខរបរមិនពិតប្រាកដ ។ ២ មានឈ្មោះ តាំង វិឆៃ ប្រុសអាយ២២ឆ្នាំ មុខរបរជាជាងធ្វើម៉ូតូទាំង២នាក់ រស់នៅក្នុងសង្កាត់អូរអំបិល ក្រុងសិរីសោភ័ណ ខេត្តបម្ទាយមានជ័យ ។
ជនសង្ស័យឈ្មោះ តាំង វិឆៃ នោះបានឆ្លើយសារភាពថា ខ្លួនពិតជាបានជួញដូរគ្រឿងញៀននេះមានរយៈពេលយូរខែមកហើយ ដោយឃើញថា ការទិញលក់បានចំណេញជាងធ្វើជាងម៉ូតូ។
ដោយបានចំលើយសារភាពនិងមានវត្ថុតាងទៀតនោះ ជនសង្ស័យត្រូវសមិត្ថកិច្ចបានកសាងសំនុំរឿងបញ្ជូនទៅតុលាខេត្តដើម្បីដាក់ទោសទៅតាមច្បាប់ ៕
