ខេត្តបន្ទាយមានជ៍យ៖ មុខសញ្ញាចែកចាយគ្រឿងញៀនចំនួន២ នាក់ និងថ្នាំញៀនយ៉ាម៉ា១៩គ្រាប់ ថ្នាំញៀនហ្វេតាមីន ទឹកកក ១កញ្ចប់តូចអាវុធហត្ថបង្ក្រាបបាន កំពុងចែកចាយគ្រឿងញៀន វេលាម៉ោង០០និង៤០នាទីរំលងអាធ្រាត ថ្ងៃទី២១ ខែកុម្ភៈ ឆ្នាំ២០១៦ នៅចំណុចក្នុងបរិវេនស្ថាននីយ៍រថភ្លើង ស្ថិតក្នុងភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។
កម្លាំងអាវុធហត្ថក្រុងសិរីសោភ័ណចំនួន៥នាក់ដឹកនាំដោយលោក អនុសេនីយ៍ឯក ភឿក ព្រហ្ម មេបញ្ជាការស្ដីទីមូលដ្ឋានកងរាជអាវុធហត្ថក្រុងសិរីសោភ័ណ បានចុះល្បាតរក្សាសន្តិសុខក្នុងភូមិសាស្ត្រក្រុងសិរីសោភ័ណ បានប្រទះឃើញមុខសញ្ញាកំពុងចែកចាយគ្រឿងញៀនចំនួន២នាក់នៅចំណុចក្នុងបរិវេនស្ថាននីយ៍រថភ្លើង ស្ថិតក្នុងភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ហើយក៍ធ្វើការឃាត់ខ្លួននិងឆែកឆេរភ្លាមៗតែម្ដងដោយរកឃើញថ្នាំញៀនប្រភេទយ៉ាម៉ាចំនួន១៩គ្រាប់ ថ្នាំញៀនប្រភេទមេតំហ្វេតាមីន ទឹកកក ១កញ្ចប់តូច ចំពៀមកៅស៊ូ ចំនួន១ និងទូរស័ព្ទដៃចំនួន២គ្រឿង រួចបញ្ជូនមកបញ្ជាការកងរាជអាវុធហត្ថខេត្តដើម្បីធ្វើការសាកសួរ។
លោកវរ:សេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្ត ប្រឆាំងគ្រឿងញៀនបានអោយដឹងថា បុរសសង្ស័យ២នាក់ដែលបានឃាត់ខ្លួន ១/ឈ្មោះ មឿន សំណាង អាយុ៣២ឆ្នាំ រស់នៅភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។ ២/ឈ្មោះ ឈី ចន្ថា អាយុ២៨ឆ្នាំ រស់នៅភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ។ ក្រោយពីបានធ្វើការសាកសួររួចមក ជនសង្ស័យទាំង២នាក់បានឆ្លើយសារភាពថា ពួកគេពិតជាបានចែកចាយគ្រឿងញៀន ពិតប្រាកដមែន។
បច្ចុប្បន្នជនសង្ស័យទាំង ២ នាក់និងវត្ថុតាងត្រូវបានសមត្ថកិច្ច កងរាជអាវុធហត្ថខេត្តកសាងសំណុំរឿងបញ្ជូនទៅតុលាការដាក់ទោសទៅតាមផ្លូវច្បាប់ ៕
