ភ្នំពេញ ៖ បុរសជនសង្ស័យ០៣នាក់និងថ្នាំញៀន៥កញ្ចប់និងវត្ថុតាង ត្រូវកំលាំងអាវុធហត្ថខណ្ឌ ដូនពេញបង្ក្រាបបាន នៅម៉ោង២០និង៤៥នាទីយប់ថ្ងៃទី១៨កុម្ភៈឆ្នាំ២០១៦នេះនៅ ចំនុចប្លុកតាន់ប៉ា ផ្លូវ១៥៤កែង៤៩ សង្កាត់ផ្សារថ្មី៣ ខណ្ឌដូនពេញ ។
ប្រភពពីអាវុធហត្ថខណ្ឌ ដូនពេញបានឲ្យដឹងថាបុរសជនសង្ស័យទី១.ឈ្មោះ ប្រាក់ ចន្ថា អាយុ៣៥ឆ្នាំ មុខរបរនិងទីលំនៅមិនពិតប្រាកដ(ម្ចាស់ថ្នាំ)។ ២.ឈ្មោះ ឯម ពន្លឺ អាយុ៣៥ឆ្នាំមុខរបរនិងទីលំនៅមិនពិតប្រាកដ។ ៣.ឈ្មោះ សុខ ធារិន អាយុ២៣ឆ្នាំ មុខរបរនិងទីលំនៅមិនពិតប្រាកដ។
វត្ថុតាងដកហូតបានមាន ៖ -ក្រាមសថ្លាចំនួន ០២ កញ្ចប់ -ម្សៅសថ្លា ចំនួន ០៣ កញ្ចប់ -ថង់សំរាប់ច្រកមួយចំនួន
– ទូរស័ព្ទចំនួន ០២ គ្រឿង – ដែកកេះចំនួន ១៣ – កាំបិត ០២ ដើម – កន្ត្រៃ ០២ ដើម – ដែកឆាប ០១ ដើម -ស៊ីរាំងចំនួន ១២៣ ដើម – ទឹកសេរ៉ូម សំរាប់លាយថ្នាំចាក់ ចំនួន ៤៨ ដប – លុយក្លែងក្លាយ១០ដុល្លារ ។
បច្ចុប្បន្ន ជនសង្ស័យទាំង ៣ នាក់រួមវត្ថុតាង ខាងលើត្រូវបាន កំលាំងអាវុធហត្ថខណ្ឌ ដូនពេញកសាងសុំណុំរឿងបញ្ចូនទៅទីបញ្ជាការដ្ឋានកងរាជអាវុហត្ថក្រុងចាត់ការបន្ត ៕
