កំពង់ធំ៖ បុរស៤នាក់និងថ្នាំញៀន៣ថង់និងវត្ថុតាង មួយចំនួន ត្រូវកម្លាំងនគរបាលការិយាល័យប្រឆាំងគ្រឿងញៀនខេត្តកំពង់ធំបញ្ជូនទៅតុលាការព្រឹកថ្ងៃទី១៩ ខែកុម្ភះ ឆ្នាំ២០១៦ចាត់ការតាមនិតិវិធី។
លោក អ៊ិត សុធា ព្រះរាជអាជ្ញាធរអមសាលាតំបូងខេត្តកំពង់ធំ កាលពីយប់ថ្ងៃទី១៨ ខែកុម្ភះ ឆ្នាំ២០១៦បានបញ្ជា កំលាំងអធិការដ្ឋាន ក្រុងស្ទឹងសែនធ្វើការឃាត់ខ្លួនបានករណីមុខសញ្ញាប្រើប្រាស់ និងចែកចាយគ្រឿងញៀនខុសច្បាប់បានចំនួន៤នាក់ ដែលកំពុងប្រព្រឹត្តិស្ថិតនៅក្នុងភូមិទី៧ សង្កាត់កំពង់ធំ ក្រុងស្ទឹងសែន យកមកសួរនាំ ទើបដឹងថាពួកគេ២នាក់ជាអ្នកចែកចាយទី១.ឈ្មោះ គ្រីល បីត ភេទប្រុសអាយុ ១៧ឆ្នាំរស់នៅភូមិព្រៃគុយ ឃុំព្រៃគុយ ស្រុកកំពង់ស្វាយ ទី២.ឈ្មោះ លី ម៉េង ភេទប្រុសអាយុ៣០ឆ្នារសំនៅភូមិ កំពង់ក្របៅ សង្កាត់កំពង់ក្របៅ ក្រុងស្ទឹងសែន ហើយនិងអ្នកប្រើប្រាស់ចំនួន២នាក់ទៀត១.ឈ្មោះ ឌុល ម៉េងលី ភេទប្រុសអាយុប្រហែល២០ឆ្នាំ រស់នៅភូមិថ្នល់ជាតិ ឃុំបារាយណ៏ ស្រុកបារាយណ៏ ២.ឈ្មោះ ឃាម រតនះ ភេទប្រុសអាយុ២១ ឆ្នាំរស់នៅភូមិពោធិបាក់ករ សង្កាត់ដំរីជាន់ខ្លា ក្រុងស្ទឹងសែន ដកហូតបានថ្នាំញៀន៣កញ្ចប់តូច ទម្ងន់០,៤ក្រាម ទូរស័ព្ទដៃ៣គ្រឿង និងសម្ភារះប្រើប្រាស់មួយចំនួនទៀត។ បច្ចុប្បន្នជនសង្ស័យទាំង៤នាក់និងវត្ថុតាងត្រូវបានកសាងសណុំរឿងបញ្ជូនទៅសាលាដំបូងខេត្តកំពង់ធំចាត់ការបន្តតាមនិតិវិធី ៕
