ខេត្តកណ្តាល ៖ បុរសជនសង្ស័យ ២ នាក់ និងរួមជាមួយថ្នាំញៀន០៧កញ្ចប់ ត្រូវនគរបាលស្រុកអង្គស្នួលឃាត់ខ្លួនពីបទរក្សាទុកដើម្បីចែកចាយសារធាតុញៀនដោយខុសច្បាប់ ខណ:ចុះល្បាតតាមផ្លូវកាលវេលាម៉ោង១៦.៣០នាទី ថ្ងៃទី១៨ ខែកុម្ភៈ ឆ្នាំ២០១៦ ត្រង់ចំណុចផ្លូវលំស្ថិតនៅភូមិត្រពាំងខ្នា ឃុំឆក់ឈើនាង ស្រុកអង្គស្នួល ខេត្តកណ្តាល ។
សេនីយ៍ទោ មាន សំណាង អធិការនគរបាលស្រុកអង្គស្នួល បានអោយដឹងថា ជនបុរសសង្ស័យទី១ មានឈ្មោះ ក្រូច រិទ្ធ អាយុ៣០ឆ្នាំ មានមុខរបរលក់ដូរមានទីលំនៅភូមិត្រពាំងត្រងនំ សង្គាត់ឪឡោក ខណ្ឌពោធិ៍សែនជ័យ និងទី២ មានឈ្មោះ ធី ហាក់ អាយុ៣៣ឆ្នាំ មុខរបរជាយោធា នៅភូមិកំពូលណ្ឌពោធិ៍សែនជ័យ ។
វត្ថុតាងដកហូតបានមានម្ស៉ៅក្រាមពណ៍សថ្លា សង្ស័យជាសារធាតុញៀន (ម៉ាទឹកកក) ចំនួន០៧កញ្ចប់មធ្យម និងចំនួន០៦កញ្ចប់ កឹបជប់ជាប់ជាមួយលុយក្រដាស់១០០រៀល ទូរស័ឮដៃចំនួន០២គ្រឿង និងម៉ូតូម៉ាកស្មាស់រីវ៉ូពណ៌ក្រហម១គ្រឿង ពាក់ស្លាកលេខសៀមរាប 1H-2213។
ជនសង្ស័យបានសារភាពថា ខ្លួនគេបានទិញថ្នាំញៀននៅម្តុំពេទ្យលោកសង្ឃ យកមកចែកចាយនិងទុកសម្រាប់ប្រើប្រាស់ ។
បច្ចុប្បន្ន ជនសង្ស័យទាំង២នាក់ និងវត្ថុតាងត្រូវបានកសាងសំណុំរឋឿងបញ្ចូនខ្លួនទៅស្នងការដ្ឋានខេត្តកណ្តាល ដើម្បីចាត់ការបន្តតាមផ្លូវច្បាប់ ៕
