ខេត្តបន្ទាយមានជ័យ ៖ ឯកឧត្តម ហ៊ុន ណេង ប្រធានគណៈកម្មការទី៤នៃរដ្ឋសភានិងប្រតិភូគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភាបានចុះមកបំពេញពេសកកម្មក្នុងខេត្តបន្ទាយមានជ័យ ដើម្បីស្វែងយល់ពីជីវភាពរស់នៅរបស់ប្រជាពលរដ្ឋ ១ ថ្ងៃព្រឹកថ្ងៃទី១៧ ខែកុម្ភៈ ឆ្នាំ២០១៦។
ក្នុងការចុះបំពេញពេសកកម្មក្នុងខេត្តបន្ទាយមានជ័យនេះឯកឧត្តម ហ៊ុន ណេងចង់ស្វែងយល់អំពីសកក្តានុពលនិងសួរសុខទុក្ខ ប្រជាពលរដ្ឋនិងចង់ដឹងអំពីជីវភាពរស់នៅរបស់ប្រជាពលរដ្ឋក្នុងខេត្តបន្ទាយមានជ័យនេះតើមានការរីកចំរើនឬមានការអន់ថយ។ឯកឧត្តម ហ៊ុន ណេង មានការចាប់អារម្មណ៍យ៉ាងខ្លាំងចំពោះខេត្តបន្ទាយមានជ័យនេះព្រោះជាខេត្តជាប់និងប្រទេសថៃខេត្តនេះជាតំបន់សេដ្ឋកិច្ចមួយយ៉ាងសំខាន់មានច្រកអន្តរជាតិដ៏សំខានដូចជា ច្រកប៉ោយប៉ែត ច្រកបឹងត្រកួន និងច្រកស្រុកម៉ាឡៃច្រកសំខាន់ទាំង៣នេះមានភ្ញៀវជាតិនិង អន្តរជាតិចេញចូលមកលេងប្រាសាទអង្គវត្តយ៉ាងច្រើនរាប់ពាន់នាក់និងមានការដោះដូរទំនិញកសិផលគ្រប់បែបយ៉ាងពីគ្នាទៅវិញទៅមកផង ។ វិស័យឧស្សាហកម្ម សិប្បកម្ម មានរោងចក្រ៦៩៦មូលដ្ឋានមានរោងចក្រ ១០ដែលអាចអូសទាញកម្មករចូលធ្វើការបាន ២.៥១០នាក់វិស័យទេសចរណ៍មានរមនីយដ្ឋានប្រវត្តិសាស្ត្រ២កន្លែង គឺប្រសាទបន្ទាយឆ្មានិងប្រសាទបន្ទាយទ័ព ។
ក្នុងនោះដែរ ឯកឧត្តម គោស៊ុំ សារឿត អភិបាលខេត្តបន្ទាយមានជ័យ បានរាយការអំពីសកម្មភាពក្នុងខេត្តបន្ទាយមានជ័យនេះថាដោយមានការយកចិត្តទុកដាក់របស់មត្ថកិច្ចខ្លាំងធ្វើឲ្យខេត្តបន្ទាយមានជ័យមានសន្តិសុខស្ងប់ស្ងាត់ សណ្តាប់ធ្នាប់សាធារណៈនិងរបៀបរៀបរយសង្គម ជាទូទៅមានលក្ខណៈល្អប្រសើរ ។ អំពីបញ្ហាទំនាស់ដីធ្លីមានក្រុមការងារចុះសិក្សាស្រាវជ្រាវនិងផ្អែកលើផ្លូវច្បាប់នានាបានដោះស្រាយរឿងទំនាស់ដីធ្លីបានមួយផ្នែកធំជូនប្រជាពលរដ្ឋហើយ ៕
