ខេត្តបាត់់ដំបង៖ ក្រុមគ្រួសារអតីតៈនគរបាលក្រុងបាត់ដំបងបានធ្លាក់ខ្លួនក្រលំបាកយ៉ាងខ្លាំងក្រោយពីប្តីទទួលមរណៈភាព អស់ពេល២ឆ្នាំកន្លងមក ដើរជួលផ្ទះគេនៅ ដោយខ្វះលុយឲ្យថ្លៃផ្ទះជួល ត្រូវគេដេញចេញពីផ្ទះ គ្មានទីជំរកនៅ ទើបមកននៅក្នុងឃ្លាំង (ស្ថានីយ៍រថភ្លើង)និងកូនស្រីម្នាក់មានប្តីបានសង់ខ្ទមលើថ្នល់រថភ្លើង ដែលមើលទៅគួរឲ្យទើសភ្នែកផងនិងគួរឲ្យអាណិតផង និងកូនប្រុស២នាក់ដើរបញ្ចេញឈាមលក់ ។
តាមសម្តីស្ត្រីម៉េម៉ាយឈ្មោះរស់គន្ធាអាយុ៤៨ឆ្នាំ បានឲ្យដឹងនៅព្រឹកថ្ងៃទី១៧ ខែកុម្ភៈ ឆ្នាំ២០១៦ថា គាត់ បី្តឈ្មោះឈិន ផលា្ល មន្រី្តនគរបាល ឋាននន្តរស័ក្ត ២ ផ្នែកសណ្តាប់ធ្នាប់ ប្រចាំក្រុងបាត់ដំបង(ប្រាក់ខែ៦០ម៉ឺនរៀលក្នុង១ខែ) សា្លប់ថ្ងៃទី១ខែសីហាឆ្នាំ២០១៤ដោយរោគាពាទ។ មានកូន ៨ នាក់ក្នុងនោះស្រី ២ នាក់ កូនប្រុស២នាក់សរសៃប្រសាទ រៀបការ ៤ នាក់តែនៅក្នុងដំបូលផ្ទះតែមួយ ។ ពីមុនមានផ្ទះខ្លួនឯង នៅភូមិកម្មករសង្កាត់់ស្វាយប៉ោក្រុងបាត់ដំបង ដោយប្តីចាញ់បោកមិត្តភ័ក្តខ្ចីយកទៅបញ្ចាំលេងល្បែង ក្រុមគ្រួសារខ្លួនជាអ្នករត់ការដោយលំបាកពេក បានលក់សងគេ និងនាំក្រុមគ្រួសារមកជួលផ្ទះគេនៅក្នុងរ៉ា(ស្ថានីយ៍រថភ្លើង) ក្នុងភូមិកំពុងក្របីសង្កាត់ស្វាយប៉ោក្រុងបាត់ដំបងតាំងពីឆ្នាំ២០០៦ រហូតដល់ប្តីធ្លាក់ខ្លួនឈឺស្លាប់តែម្តង ។ ដោយខ្វះលុយឲ្យថ្លៃផ្ទះ គេដេញចេញ ទើបរើមកនៅក្នុងឃ្លាំង(ស្ថានីយ៍រថភ្លើង) និងកូនស្រីម្នាក់មានប្តី ឈ្មោះ ផល្លា សារ៉ាយ ភេទស្រី អាយុ៣១ឆាំ្ន បានសង់ខ្ទមលើថ្នល់រថភ្លើង ពេលភ្លៀងខ្យល់មកពិតជាលំបាកខ្លាំង ។
សព្វថ្ងៃបានកូនប្រុស ២ នាក់សរសៃប្រសាទ ដើរបូមឈាមលក់ឲ្យអ្នកជំងឺយកមកជួយចិញ្ចឹមម្តាយនិងប្អូន ហើយកូនប្រសារធ្វើកម្មករសំណង់រកព្រឹកខ្វះល្ងាច ។ ចំណែកប្រាក់មរណៈភាពប្តី៤លានរៀល ត្រូវគេកាត់អស់១,៥លានរៀល ទទួលបានតែ២,៥លានរៀលទេ មិនដឹងគេកាត់កងថ្លៃជំពាក់ឬថ្លៃស្អីទៀតទេ រីឯប្រាក់បំណាច់ប្តី២ឆ្នាំហើយគ្មានអ្នកគិតគូរឲ្យសោះ មិនដឹងទៅបើកខាងសង្គមកិច្ចឬបើកនៅការិយាល័យបុគ្គលិក។
ជាចុងក្រោយគាត់សំណូមពរឲ្យថ្នាក់លើ ឬខាងសង្គមកិច្ច បើកប្រាក់បំណាច់របស់បី្តគាត់ឲ្យបានឆាប់ៗ និងសូមឲ្យក្រុមការងារចុះជួយក្រុងបាត់ដំបង ក៏ដូចជាលោក ច័ន្ទ សុផល អភិបាលខេត្តបាត់ដំបងដែលធ្លាប់តែមានចិត្តសម្បុរស ជួយដល់ក្រុមគ្រួសាររងគ្រោះនេះផង ដើម្បីយកមកប្រកបរបរចិញ្ចឹមជីវិតកូនចៅបន្តទៅបន្តទៀត ៕
