ខេត្តបន្ទាយមានជ័យ ៖ រថយន្តលុចស៊ីសចេញពីចាក់សាំងត្រូវរថយន្តយីឌុបដឹកអង្កាមមានបាំងវាំងននបើកបុកផ្នែកខាងមុខរីឯអ្នកបើកបររថយន្តដឹកអង្កាមឈ្លើយមិនចង់ដោះស្រាយអាងអំណាចខ្នងធំ ដោយទៅអង្គុយស៊ីគុយទាវនៅជិតនោះធ្វើព្រងើយតែសំណាងណាស់គ្នានអ្នករងរបួស។
ហេតុការណ៍គ្រោះថ្នាក់ចរាចរណ៍នេះកើតឡើងនៅវេលាម៉ោង១០ព្រឹកថ្ងៃទី១០ខែកុម្ភះឆ្នាំ២០១៦នៅត្រង់ចំណុចហាងសាំងស៊ូគីមិចស្ថិកក្នុងភូមិ១សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ប្រជាពលរដ្ឋបានឃើញហេតុការណ៍នេះបាននាំគ្នានិយាយថាកំហុសមកពីរថយន្តធំបើកពុំគោរពច្បាប់ចរាចណ៍នៅក្នុងកាប៊ីនរថយន្តមានវាំងននចងដាក់ខ្វាត់ខ្វែងបិតកញ្ចក់ជិតឈឹងមើលផ្លូវនៅមុខមិនឃើញទើបបណ្តាលឲ្យបុករថយន្តសុចស៊ីសយ៉ាងដូច្នេះ។
លោកវរសេនីយ៍ទោសនគីមសួគ៍នាយការិយាល័យចរាចរណ៍ផ្លូវគោកបានឲ្យដឹងថាអ្នកបើករថយន្តសុចស៊ីសមានឈ្មោះភួងវណ្ណាប្រុសអាយុ៣៦ឆ្នាំរស់នៅក្នុងក្រុងភ្នំពេញបើករថយន្តសុចស៊ីស៣៣០ព៌ណខ្មៅពាក់ស្លាកភ្នំពេញ2V5382។
លោកសួគ៍បានបញ្ជាក់ទៀតថាមុនពេលកើតហេតុរថយន្តលុចស៊ីសនោះបានដឹកក្រុមគ្រួសារពេញពីក្រុងប៉ោយប៉ែតឆ្ពោះទៅទីក្រុងភ្នំពេញលុះជិះមកដល់ទីរួមខេត្តក៏ចូលចាក់សាំងនៅការាសស៊ូគីមិចពេលចាក់សាំងរួចហើយក៏បើករថយន្តចេញពីកន្លែងចាក់សាំងយឺតៗស្របពេលនោះក៏មានរថយន្តដឹកអង្កាមយីឌុបព៌ណ ស ពាក់ស្លាកលេខភ្នំពេញ3C8729អ្នកបើកមានឈ្មោះដៀបសាន់ ប្រុសអាយុ៤០ឆ្នាំរស់នៅក្នុងភូមិល្វា ឃុំល្វា ស្រុកថ្មគោល ខេត្តបាត់ដំបងបានបើរថយន្តចូលកៀនកន្លែចាក់សាំងស៊ូគីមិចមិនដឹងជាប់រវាល់ធ្វើអីក៏ទៅបុកនិងរថយន្តសុចស៊ីសខ្ទេចថ្ពាល់មុខអស់។ ក្រោយពីបុកគេហើយអ្នកបើករថយន្តធំនោះក៏ដើរទៅស៊ីគុយទាវនៅជិតនោះធ្វើព្រងើយ បញ្ចេញចរឹកឈ្លើយហាក់បីដូចជាមិនចង់ដោះស្រាយអំពីរឿងខ្លួនបុកគេឡើយ ប្រហែលសំអាងខ្លួនថាមានខ្នងបង្អែកនៅពីក្រោយធំ ទើបធ្វើរឹកច្រងែងច្រងាងយ៉ាងដូច្នេះ ។ ក្រោយពីកើតហេតុរួចនគបាលចរាចរណ៍ ឲ្យសំរួលគ្នានៅកន្លែងកើតហេតុដើម្បីបញ្ចប់រឿង ព្រោះគ្រោះថ្នាក់ចរាចរណ៍នេះវាតិចតួចពេក ៕
ចាន់ ដារ៉ា
