កាលព្រឹកថ្ងៃទី ៣១ ខែមករា ឆ្នាំ ២០១៦ ម៉ោង ៩.៣០នាទី ប្រជាពលរដ្ឋឈ្មោះ ងួន សុគុណ អាយុ ៤១ ឆ្នាំ ភេទស្រី ទីលំនៅភូមិ ដងទង់ សង្កាត់កូនក្រៀល ក្រុងសំរោង ខេត្តឧត្តរមានជ័យ ត្រូវបានចោរលួចម៉ូតូ ម៉ាកឌ្រីម ព័ណខ្មៅ ស្លាកលេខ ឧត្តរមានជ័យ 1B-0483 សេរី 013 ។
លុះក្រោយមក លោក ចាន់ ស្រេង នាយការិយាល័យបច្ចេកទេស កងពលលេខ ៤ ប្រចាំការបង្គោលសីមាលេខ ១២ ដងទង់ បានធ្វើការបង្ក្រាប ដោយរឹបអូសយកមកវិញនូវវត្ថុតាង ម៉ូតូជនរងគ្រោះ និង ម៉ូតូជនល្មើស ឌ្រីមព័រខ្មៅ សេរី ០១៥ ថែមទៀតផង ដោយបាន បង្ក្រាបនៅចំណុច ភូមិស្រះទឹក ឃុំអូរស្មាច់ ក្រុងសំរោង ខេត្តឧត្តរមានជ័យ ចំណុចសីមាលេខ១៣ ។
លោកនាយបច្ចេកទេស ចាន់ ស្រេង និងលោកនាយប៉ុស្តន៍កូនក្រៀល បានប្រគល់ម៉ូតូជូន ពលរដ្ឋវិញ រីឯម៉ូតូជនល្មើស ត្រូវបានលោកអធិការក្រុងសំរោង យកទៅរក្សាទុក ដើម្បីដោះស្រាយតាមផ្លូវច្បាប់ ៕
ព្រហ្ម សំ
