ខេត្តបន្ទាយមានជ័យ៖ ជនសង្ស័យមា្នក់រត់តាក់ស៊ីនិងថ្នាំញៀន ម៉ាទឺកកកចំនួន៣ថង់តូចស្មើនិង៣.៦ក្រាមនិងសម្ភារៈមួយចំនួនទៀត ត្រូវនគបាលប្រឆាំងគ្រឿងញៀនបញ្ជូនទៅតុលាកានាថ្ងៃទី៣០ខែមករាឆ្នាំ២០១៦ចាត់ការតាមនិតិវិធី។
ជនសង្ស័យ១នាក់ត្រូវកំលាំងនគរបាលមូលដ្ឋានស្រុកអូរជ្រៅមួយក្រុមបានចុះបង្ក្រាបករណីជួញដូរគ្រឿងញៀន នៅវេលាម៉ោង១១យប់ថ្ងៃទី២៩ខែមករាឆ្នាំ២០១៦នៅចំណុចភូមិបន្ទាយថ្មី ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ បញ្ជូនទៅស្នងការដ្ឋាននគរបាលខេត្ត។
លោកវរសេនីយ៍ឯកចាបសុផារិទ្ធស្នងការរងនគរបាលខេត្តបន្ទាយមានជ័យទទួលបន្ទុកផ្នែកបង្ក្រាបគ្រឿងញៀននិងបទល្មើសសេដ្ឋកិច្ចបានឲ្យដឹងថាជនសង្ស័យដែលឃាត់ខ្លួនមានឈ្មោះងួនសុផាន ប្រុសអាយុ៣២ឆ្នាំមុខរបររត់កាក់ស៊ីស់នៅភូមិបន្ទាយថ្មី ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។វត្ថុតាងដកហូតបានថ្នាំញៀនប្រភេទមេតំហ្វេតាមីនអាយស៍ម៉ាទឺកកចំនួន៣ថង់តូចស្មើនិង៣.៦ក្រាម រថយន្តកាមរីព៌ណស្លាបក្អែក សេរីឆ្នាំ១៩៩១បានមួយគ្រឿង។
លោក ចាប សុផារិទ្ធ បានបញ្ជាក់ទៀតថា ក្រោយពេលដែលសមិត្ថកិច្ចសាកសួរ ដល់ជនសង្ស័យនោះបានឆ្លើយសារភាពថាខ្លួនពិតជាបានជួញដូរគ្រឿងញៀននេះ មានរយៈពេលយូរខែមកហើយទិញលក់បានចំណេញជាងរត់កាក់ស៊ី ទើបយប់នេះសមត្ថកិច្ចចាប់បានតែម្តង ។
ដោយបានចំលើយសារភាពនិងមានវត្ថុតាងទៀតនោះ ជនសង្ស័យត្រូវសមិត្ថកិច្ចបានកសាងសំនុំរឿងបញ្ជូនទៅតុលាការខេត្ត នាថ្ងៃទី៣០ ខែមករា ឆ្នាំ២០១៦ ដើម្បីចាត់ការតាមនិតិវិធី ៕
