បាត់ដំបង៖ សមត្ថកិច្ចចុះពិនិត្យផ្ទះចោរប្លន់បាញ់៩គ្រាប់់របួស៣នាក់ ស្លាប់១នាក់យកបាន គ្រឿងអល័ង្កាមួយចំនួននៅថ្ងៃទី២៨ ខែមករា ឆ្នាំ២០១៦ ។ ករណីប្លន់ប្រដាប់អាវុធនេះ បានកើតឡើងកាលម៉ោង១០យប់ ពីថ្ងៃទី២៧ ខែមករា ឆ្នាំ២០១៦ ត្រង់ចំនុចភូមិអូរដាលើ ឃុំបឹងរាំង ស្រុកកំរៀង ខេត្តបាត់ដំបង។
ប្រភពអាវុធហត្ថស្រុកកំរៀងបានឲ្យដឹងថា ទីតាំងប្លន់នេះម្ចាស់ផ្ទះឈ្មោះ កូយ សេងលី ភេទប្រុស អាយុ៥២ឆ្នាំ ដែលមានមុខរបរលក់ដូរចាប់ហ៊ួយ នៅត្រង់ចំនុចខាងលើ ។
យោងតាមរបាយការណ៍របស់សមត្ថកិច្ច ដែលបានស្រង់សម្តីពីក្រុមគ្រួសារជនរងគ្រោះបានអោយដឹងថាះនៅមុនពេលកើតហេតុ គឺមានជនមិនស្គាល់មុខចំនួន៥នាក់ ដែលប្រដាប់ដោយកាំភ្លើង AK ចំនួនមួយដើម និងកាំភ្លើងខ្លីចំនួន១ដើម ព្រមទាំងមានដែកស្បែងផង បានចូលទៅក្នុងផ្ទះខណៈពេល ដែលកំពុងអង្គុយជុំគ្នាផឹកស៊ីដោយបានគំរាមទាមទាអោយប្រគល់នូវទ្រព្យសម្បត្តិទៅអោយពួកវា ប៉ុន្តែដោយសារតែរឹងរូសនិងការយឺតយ៉ាវពីសំណាក់ម្ចាស់ផ្ទះ ទើបជនម្នាក់ដែលកាន់AKបានបាញ់រះចំនួន៥គ្រាប់ ចំណែកអ្នកដែលកាន់កាំភ្លើងខ្លីក៏បានបាញ់ចំនួន០៤គ្រាប់បន្ថែមដែរ គឺនៅពេលនោះគ្រាប់កាំភ្លើងបានហោះទៅចំទ្រូងឈ្មោះស៊ាងភុនភេទប្រុស អាយុ៥៤ឆ្នាំភ្ញៀវ ត្រូវជាឪពុក (ផុន ឡៃម៉េង) គឺរងរបួសធ្ងន់ និងមួយគ្រាប់ទៀតត្រូវទៅលើឈ្មោះ ផុន ឡៃម៉េង ភេទប្រុស អាយុ៣២ឆ្នាំ ត្រូវជាកូនរបួសស្រាល ។ ដោយឡែកម្ចាស់ផ្ទះ ឈ្មោះ កូយ សេងលី ក៏ត្រូវក្រុមចោរវាយនឹងដែកស្បែង របួសស្មាខាងឆ្វេង និងភ្ញៀវឈ្មោះអឿនម៉េងជងរងរបួស លើដៃខាងស្តាំដែរដោយសារដែកស្បែង។ ហើយភ្លាមៗនោះដែរក្រុមចោរបានប្រមូលយកគ្រឿងអល័ង្កាដូចជាខ្សែកប្លាទីនមួយខ្សែទម្ងន់១តម្លឹង និងចិញ្ចៀនប្លាទីន០១វង់ ទម្ងន់៣ជី ហើយបានគេចខ្លួនបាត់ស្រមោល។
ឈ្មោះ ស៊ាង ភុន ដោយសារតែស្ថានភាពមុខរបួស ធ្ងន់ធ្ងរពេកក៏ត្រូវបានបញ្ជូនបន្តទៅកាន់ប្រទេសថៃ ប៉ុន្តែត្រូវបានស្លាប់តាមផ្លូវនៅវេលា ម៉ោង១១និង៣០នាទី យប់ថ្ងៃដដែល ។ ដោយបច្ចុប្បន្ន ទាំងកំលាំងកងរាជអាវុធហត្ថក៏ដូចជាកំលាំងស្នងការដ្ឋាននគរបាលខេត្តដែលដឹកនាំដោយលោជេតវណ្ណនីស្នងការងបាននិងកំពុងតែមមាញឹកក្នុងការស្រាវជ្រាវនិងតាមប្រមាញ់មុខសញ្ញាទាំងនេះ យកមកផ្តន្ទាទោសតាមច្បាប់ ៕
