បាត់ដំបង ៖ អ្នកដឹកផ្លែឈើចេញពីប្រទេសថៃ តាមច្រកទ្វាអន្តរជាតិដូង ២ នាក់ ប្រពន្ធប្តីត្រូវក្រុមអ្នករត់តាក់ស៊ីកាប់ឲ្យរបួស រឿងជំពាក់ប្រាក់ថ្លៃដឹកជញ្ជូនកាលពីយប់ម៉ោងប្រមាន២០ និង ៣០ នាទី ថ្ងៃទី២៦ មករា ២០១៦ នៅចំណុចផ្លូវជាប់របងកាស៊ីណូ ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង ។
ប្រភពនៅកន្លែងកើតហេតុបានអោយដឹងថា ស្ត្រីរងគ្រោះមានឈ្មោះ ប៊ូ ចាន់នីន អាយុ៣៨ឆ្នាំរងរបួសស្រាល និងប្តីឈ្មោះ ហុល ហុកទ្រី អាយុជាង៤០ឆ្នាំ របួសដៃឆ្វេងចិញ្ចើមរយ៉ាសដាច់ដល់បបូមាត់ធ្ងន់ធ្ងរ ។ ទាំង ២ នាក់រស់នៅភូមិត្នោត ស្រុកបារាយ ខេត្តកំពង់ធំ (របរ អ្នកដឹកផ្លែឈើចេញពីថៃតាមច្រកអន្តរជាតិដូង ទៅលក់នៅខេត្តកំពង់ធំ ។ ចំណែកក្រុមបង្កគេស្គាល់ម្នាក់ឈ្មោះ រដ្ឋា អាយុជាង២០ឆ្នាំ ជាអ្នករត់តាក់ស៊ី ពីស្រុកកំរៀង ( ឡែម )ទៅកំពុងធំ . កំពុងចាម ។
មុនពេលកើតហេតុក្រុមតាក់ស៊ីទារប្រាក់ថ្លៃដឹកញ្ជូនតែភាគីខាងរងគ្រោះមិនព្រមសង សន្យាថាថ្ងៃនេះថ្ងៃនោះ មិនទៀងទាត់ ទើបភាគីខាងតាក់ស៊ីប្រើកាំបិតគ្រប់ដៃព្រួតកាប់ជនរងគ្រោះពីរនាក់ប្តីប្រពន្ធឲ្យរបួស រួចគេចខ្លួនបាត់អស់ ។ ក្រោយកើតហេតុសមត្ថកិច្ចបញ្ជូនជនរងគ្រោះទៅសង្គ្រោះនៅមន្ទីរពេទ្យ និងតាមចាប់ជនសង្ស័យ ប៉ុន្តែជនសង្ស័យបានព្យាយាមគេចខ្លួនបាត់ ៕
