រាជធានីភ្នំពេញ៖ ក្រុមចោរ ៣ នាក់ប្រដាប់ដោយកាំភ្លើងខ្លី ២ ដើមបានធ្វើសកម្មភាពបាញ់ប្លន់នគរបាលប្រចាំការឲ្យរបួសយកម៉ូតូគេចខ្លួនដោយសុវត្ថិភាពកាលម៉ោង៨និង១៥នាទីយប់ថ្ថៃទី២៦ខែមករាឆ្នាំ២០១៦ចំណុចប្រឡាយទឹកភូមិត្រពាំងរំចេកសង្កាត់ចោមចៅខ័ណ្ឌពោធិ៍សែនជ័យជាប់ប្រទល់ខ័ណ្ឌដង្កោ ។
តាមប្រភពព័ត៌មានពីកន្លែងកើតហេតុបានឲ្យដឹងថា ជន រងគ្រោះឈ្មោះ ឡេង ឡាអាយុ៥០មុខរបរ ជាមន្ត្រីនគរបាលការិយាល័យស្នងការក្រុង បានជិះម៉ូតូមួយគ្រឿងម៉ាក ហុងដាឌ្រីមសេ ១២៥ ពណ៌ ខ្មៅ ស៊េរី ឆ្នាំ ២០១៣ ពាក់ ស្លាក លេខ ភ្នំពេញ 1BR-5389។
ប្រភពឲ្យដឹងថាមុនពេលកើតហេតុក្រុមចោរ៣នាក់ដើរស្ទាក់មុខម៉ូតូនគរបាលហើយភ្ជង់បាញ់១គ្រាប់មកលើនគរបាលម្នាក់បណ្តាលអោយរបួសចំណែកនគរបាលរបួសបានផ្តួលម៉ូតូរត់បានចំងាយប្រហែល១០០ម៉ែត្រ ក៏ដកកាំភ្លើងពីចង្កេះបាញ់តបតជាមួយក្រុមចោរវិញខណៈនោះក្រុមចោរបានលើកម៉ូតូជិះគេចខ្លួនដិយសុវត្ថភាពតែម្តង ។
ក្រោយកើតហេតុសមត្ថកិច្ចចំរុះមកបានដឹកជនរគ្រោះទៅកាន់មន្ទីរពេទ្យដើម្បីធ្ចើការសង្គ្រោះនិងកំណត់មុខសញ្ញស្វែងរកចាប់ជនសង្ស័យយកមកផ្តន្ទាទោសតាមផ្លូវច្បាប់ ៕
