បាត់ដំបង៖ ឈ្មួញដឹកទំនិញនិងចំណី ត្រីសាច់ជាច្រើនខូចគុណភាព ចូលពីប្រទេសថៃតាមច្រកតំបន់ភ្នំដី ស្រុកសំពៅលូនគ្មាមអ្នកពិនិត្យ ។
បើយោងតាមប្រភពពីប្រជាពលរដ្ឋបានអោយដឹងថា:ជារៀងរាល់ថ្ងៃគេតែងតែឃើញក្រុមឈ្មួញបានដឹកទំនិញនិងចំណី ត្រី សាច់ជាច្រើនប្រភេទឆ្លងកាត់តាមច្រកតំបន់ភ្នំដីសំពៅលូន។ ហើយមិនដែលឃើញមានមន្ត្រីពាក់ព័ន្ធណាចេញមកធ្វើការត្រួតពិនិត្យឡើយឃើញតែឈចាំយកលុយ ប៉ុណ្ណោះ។
ទំនិញមួយចំនួនដែលប្រជាពលរដ្ឋឃើញជាក់ស្តែងដូចជាសាច់ជ្រូកនិងត្រីនិងសាច់មាន់មានក្លិនស្អុយរុយរោមទៀតផង។ ក្រុមឈ្មួញទាំងនោះប្រាប់ថាចំណីស្អយយកទៅធ្វើជាចំណីក្រពើ។
តែជាក់ស្តែងពួកគាត់យកទៅលក់ចែកចាយបន្តអោយទៅអ្នកធ្វើជាសាច់ក្រក សង្វាក់ ណែមនៅក្នុងខេត្តបាត់ដំបង។
ពាក់ព័ន្ធករណីការលើកឡើងរបស់ប្រជាពលរដ្ឋខាងលើ លោក ពេជ្រ ប្រាថ្នា អនុប្រធាន កាំកុងត្រូល ច្រកទ្វារតំបន់ភ្នំដីស្រុកសំពៅលូន បានប្រាប់សារព័ត៌មានយើងតាមទូរស័ព្ទ កាលពីរសៀលថ្ងៃទី១៨ ខែមករា ឆ្នាំ២០១៦ថា មន្ត្រីកាំកុងត្រូលបានឈពិនិត្យមើលការដឹកទំនិញតាមរទេះជារៀងរាល់ថ្ងៃ មិនបានឃើញទំនិញខូចគុណភាពដូចការលើកឡើងរបស់ប្រជាពលរដ្ឋនោះទេ ។ ប៉ុន្តែឈ្មួញអាចប្រើវិធីអោយក្មេងយួរកាន់ម្តង២ទៅ៣ថង់ ឬដើរទូលឬកន្តៀតដូចអ្នកទៅផ្សារ ការនាំចូលបន្តិចបន្តួច មិនអាចចាប៎កំហុសគេទេ បើមានការនាំចូលទ្រង់ទ្រាយធំ ទោះជាកាំកុងត្រូលជាប់រវល់មិនបង្ក្រាបក៏មាននគរបាលជួយបង្ក្រាបដែរ ៕
