ខេត្តព្រៃវែង ៖ លោកអធិការស្រុកស្វាយអន្ទងបានដឹកនាំកំលាំងចុះទៅបង្ក្រាបល្បែងជល់មាន់មួយកន្លែង ដកកាំភ្លើងបាញ់ជាច្រើនគ្រាប់ ពេលអ្នកលេងរត់ចេញពីវង់ល្បែង បណ្តាលឲ្យចំបុរសម្នាក់ស្លាប់ កំពុងឈពរកូនមើលហេតុការណ៍បង្ក្រាបនេះ និងខ្ទាតកូនចេញពីដៃ រងរបួសផងដែរ កាលពីវេលាម៉ោង០២និង១០នាទីថ្ងៃទី ១៣ ខែមករា ឆ្នាំ២០១៦ ស្ថិតនៅ ភូមិតងឡងទី៣ ឃុំព្រៃខ្លា ស្រុកស្វាយអន្ទរខេត្តព្រៃវែង។
ប្រពន្ធជនរងគ្រោះនិងអ្នកភូមិឃើញដូច្នេះ បាន ទូរស័ព្ទហៅរថយន្តសង្គ្រោះ តែជនរងគ្រោះបានដាច់ខ្យល់ស្លាប់បាត់ទៅហើយ ។
ជនរងគ្រោះ ឈ្មោះ កិត អីម អាយុ៣៨ឆ្នាំ ភេទ ប្រុសជាតិខ្មែរ មានទីលំនៅភូមិតងឡងទី៣ ឃុំព្រៃខ្លា ប្រពន្ធឈ្មោះ ស៊ឹម ម៉េងអាយុ៣៤ឆ្នាំ ជាតិខ្មែររស់នៅជាមួយគ្នា ។ ខណៈពេលសមត្ថកិច្ចទៅដល់អ្នកលេងល្បែងជល់មាន់នាំគ្នារត់ ចេញពីសៃវៀនយ៉ាងច្រើនប្រហែលជាង១០០នាក់ ។
លោកមេឃុំ សៅ ផៃ បានឲ្យដឹងថា ល្បែងស៊ីសង នៅក្នុងភូមិនេះ មានជាច្រើនកន្លែងតែសមត្ថកិច្ច ហាក់មើលរំលង ពេលមកបង្ក្រាប បែរជាមានរឿងយ៉ាងនេះទៀត ។ លោកបានបន្តទៀតថា ចំពោះការបាញ់ត្រូវមនុស្សស្លាប់ សមត្ថកិច្ចថ្នាក់លើចកំពុងនិងចាត់ការតាមច្បាប់ហើយ។
មន្ត្រីរាជការសង្គមសីវិលនិងប្រជាពលរដ្ឋថាការអនុវត្តជ្រុលហួសហេតយកមុខមាត់ជាងបង្ក្រាបចោរប្លន់ទៅទៀត ៕
