ខេត្តបាត់ដំបង ៖ កំលាំងនៃអធិការដ្ឋាននគរបាលស្រុកកំរៀង កាលពីវេលាម៉ោង៧យប់ថ្ងៃទី១២.០១.២០១៦ បានបង្ក្រាបករណី ជួញដូរសារធាតុញៀន ហាមឃាត់ខុសច្បាប់ ដោយធ្វើការឃាត់ខ្លួន ជនសង្ស័យចំនួន២នាក់ នៅចំណុចក្រុមទី០៨ ស្ថិតក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង ។
ជនសង្ស័យទី១ឈ្មោះនី.ហឿង ភេទប្រុស អាយុ២៣ឆ្នាំ និងទី២ឈ្មោះ គង់.ដារ៉ា ហៅព្រៃ ភេទប្រុស អាយុ២៣ឆ្នាំ រស់នៅភូមិឃុំខាងលើជាមួយគ្នា ត្រូវសមត្ថកិច្ចឃាត់ខ្លួន ដោយដកហូតបានវត្ថុតាង ៖ ថ្នាំញៀនចំនួន២៤គ្រាប់ ម៉ាទឹកកក ចំនួន០១កូនថង់តូច ទូរសព្ទ័គ្មានថ្ម០១គ្រឿង ។
បច្ចុប្បន្ន ជនសង្ស័យទាំង២នាក់ រួមនិងវត្ថុតាង កំពុងត្រូវបានសមត្ថកិច្ចជំនាញ រៀបចំសំណុំឯកសារ បញ្ជូនទៅស្នងការដ្ឋាន នគរបាលខេត្តបាត់ដំបង ដើម្បីចាត់ការបន្ត តាមនីតិវិធីច្បាប់ ៕
