ខេត្តបាត់ដំបង ៖ រថយន្តដឹកម៉ាស៊ីនច្រូតរអិលក្រឡាប់ ចូលក្នុងស្រះ បណ្តាលឲ្យស្លាប់ម្នាក់និងរបួស៤នាក់ នៅវេលាម៉ោង៦និង២៥នាទី ថ្ងៃទី០៩ ខែមករាក្នុងចំនុចក្រុមទី១០ ភូមិព្រៃចែក ឃុំកំពុងព្រះ ស្រុកសង្កែ ខេត្តបាត់ដំបង។
ជនរងគ្រោះស្លាប់មានឈ្មោះវ៉ន វេន អាយុ១៨ឆ្នាំ និង៤នាក់ផ្សេងទៀតរងរបួសឈ្មោះ សម័យ អាយុ២៥ ឈ្មោះសាន អាយុ ៥៧ឆ្នាំទី៣ឈ្មោះសួស ឡុញ អាយុ១៨ឆ្នាំ ទាំងអស់គ្នាមានស្រុកកំណើតនៅភូមិជ្រៀស ឃុំល្វា ស្រុកថ្មពួក ខេត្តសៀមរាបនិងម្នាក់ទៀតជាថៅកែរថយន្តនិងម៉ាស៊ីនច្រូតឈ្មោះលី អាយុ៣៧ឆ្នាំ រស់នៅស្រុកមង្គលបូរី ខេត្តបន្ទាយមានជ័យ។
ប្រជាពលរដ្ឋបានអោយដឹងថា នៅព្រឹកមិញនេះ ឡានដឹកម៉ាស៊ីនច្រូត១គ្រឿងដែលជិះគ្នាចំនួន៥នាក់បានជិះខាងក្នុងឡាន៣នាក់និង២នាក់ទៀតជិះនៅផ្នែកខាងក្រៅឡាន លុះចុះពីផ្លូវជាតិទៅលិច បានប្រមាណ៥០ម៉ែត្រ ត្រង់ផ្លូវបត់កោងរួមតូច ក៏រអិលធ្លាក់ចូលទៅក្នុងស្រះក្រឡាប់ ៣ ត្រឡប់ ហើយបានសង្កត់ជនរងគ្រោះស្លាប់តែម្តងជាអ្នកជិះនៅផ្នែកខាងក្រៅ ៕
