ខេត្តបន្ទាយមានជ័យ ៖ កម្លាំងនគរបាលក្រុងប៉ោយប៉ែតឃាត់ខ្លួនបុរសម្នាក់់ធ្វើសកម្មភាពឆក់ទូរស័ព្ទដៃ និងប្រគល់ជូនម្ចាស់ដើមវិញ នៅព្រឹកថ្ងៃទី១៨ ខែធ្នូ ឆ្នាំ២០១៥ ។
សមត្ថកិច្ចនគរបាលបានឲ្យដឹងថាជនសង្ស័យជាចោរឆក់មានឈ្មោះ ជា ដា ហៅសំណាង អាយុ១៨ឆ្នាំ ភេទប្រុស ស្នាក់នៅបណ្តោះអាសន្នភូមិក្បាលស្ពាន១សង្កាត់ប៉ោយប៉ែត ។វត្ថុតាងដែលដកហូតបានទូរស័ព្ទដៃ២គ្រឿង ១គ្រឿងសាំស៊ុងនិង ម៉ាកណូគា ១មួយគ្រឿងទៀត ។ចំណែកជនរងគ្រោះឈ្មោះ គឹម មករា អាយុ២៩ឆ្នាំភេទប្រុស ស្នាក់នៅភូមិមិត្តភាពសង្កាត់ប៉ោយប៉ែត។
ក្រោយធ្វើសកម្មភាពជនសង្ស័យត្រូវបានកម្លាំងសមត្ថកិច្ចធ្វើការឃាត់ខ្លួនហើយបានយកទូរស័ព្ទដៃប្រគល់ជូនម្ចាស់ដើមវិញឯជនសង្ស័យសមត្ថកិច្ចជំនាញកំពុងកសាងសំណុំរឿងបញ្ជូនទៅតុលាការ ៕
