បាត់ដំបង ៖ រថយន្តកែច្នៃ ១ គ្រឿងបុកម៉ូតូ ១ គ្រឿងស្របទិសគ្នា បណ្តាលឲ្យស្លាប់ម្នាក់របួសធ្ងន់ម្នាក់នៅម៉ោង ៣ និង ២០ នាទីរសៀល ថ្ងៃទី១៩ ខែធ្នូ ឆ្នាំ២០១៥ ចំណុចផ្លូវស្រែ ១ ពាន់ភូមិចំការសំរោង១ សង្កាត់់ចំការសំរោង ក្រុងបាត់ដំបង ភ្លាមៗ សមត្ថកិច្ចចរាចរណ៍ដឹកជនរងគ្រោះទៅសង្គ្រោះនៅមន្ទីរពេទ្យ ។ ហើយរថយន្តកែច្នៃបើករត់គេចខ្លួន ប៉ុន្តែត្រូវកម្លាំងនគរបាលចម្រុះតាមប្រម៉ាញ់ ចាប់បានរថយន្តឈប់ទុកចោល នៅសង្កាត់់វត្តគក្រុងបាត់ដំបងរីឯអ្នកបើកបរគេចខ្លួនបាត់ ។
ប្រភពនៅកន្លែងកើតហេតុបានអោយដឹងថា មុនពេលកើតហេតុ គេឃើញម៉ូតូពណ៌ក្រហម ម៉ាកវ៉េវអាល់ហ្វាពាក់ស្លាកលេខបាត់ដំបង1S3264 មានស្ត្រី២នាក់ជិះឌុបគ្នាពីទិសខាងជើង ទៅទិសខាងត្បូងក្នុងល្បឿនមធ្យម វ៉ាម៉ូតូពីមុខខណៈនោះក៏មានរថយន្តកែច្នៃ បើកមកពីក្រោយកៀរបុកម៉ូតូជនរងគ្រោះបណ្តាលឲ្យបែកក្បាលស្លាប់ម្នាក់នៅកន្លែងកើតហេតុនិងម្នាក់ទៀតរងរបួសធ្ងន់ពេលនោះរថយន្តបន្ថែមល្បឿគេចខ្លួនបាត់សមត្ថកិច្ចក៏មកដល់កន្លែងកើតហេតុធ្វើអន្តរាគមន៍តែម្តង ។
ឈ្មោះ រស់ រាំង ភេទប្រុសអាយុ៣៨ឆ្នាំ ត្រូវជាបងថ្លែជនរងគ្រោះ មានទីលំនៅភូមិព្រៃដាច់ សង្កាត់អូរម៉ាល់ ក្រុងបាត់ដំបង បានឲ្យដឹងថា ស្ត្រីជាជនរងគ្រោះស្លាប់មានឈ្មោះ ខន សុភាព អាយុ៣០ឆ្នាំ របរជាកម្មករសំណង់និងស្ត្រីរបួសធ្ងន់មានឈ្មោះ ទូច អាយុប្រហែលគ្នាអ្នកស្លាប់អ្នកទាំង២នាក់រស់់នៅភូមិព្រៃដាច់សង្កាត់អូរម៉ាល់។អ្នកទាំង២នាក់ឮថាបានណាត់គ្នាទិញគ្រឿងក្លែមទៅធ្វើហូបនៅផ្ទះព្រោះរសៀលថ្ងៃទី១៨នេះបានឈប់សំរាកដូច្នេះសំភារៈម្ហូបនៅលើម៉ូតូប្រហែលគេទិញយកទៅធ្វើកម្មវិធីជប់លៀងនៅផ្ទះមែន។
សមត្ថកិច្ចចរាចរណ៍ចុះវាស់វែងបានសន្និដ្ឋានថាក្នុងករណីគ្រោះថ្នាក់ចរាចរណ៍ខាងលើភាគីខាងរថយន្តកែច្នៃពិតជាខុស។រថយន្តកែច្នៃត្រូវបានរកឃើញក្នុងទឹកដីសង្កាត់វត្តគរីឯអ្នកបើកបរគេចខ្លួនបាត់។សពបានដឹកជញ្ជូនទៅផ្ទះជនរងគ្រោះចំណែកមធ្យោបាយទាំង២គ្រឿងត្រូវបាននាំទៅរក្សាទុកនៅចរាចរណ៍ផ្លូវគោករងចាំធ្វើការដោះស្រាយជាក្រោយ៕
