ខេត្តបន្ទាយមានជ័យ ៖ រថយន្តកាម៉ារីដឹកឈើក្រញូងស្មើ៩៥ដុំត្រូវកម្លាំងនគបាលសេដ្ឋកិច្ចនិងរដ្ឋបាលព្រៃឈើបង្ក្រាបបានចំណែកអ្នកបើកបរគេចខ្លួនបាត់នាល្ងាចថ្ងៃទី១៥ខែធ្នូឆ្នាំ២០១៥ នៅចំណុចភូមិខ្លាកូនចាស់ សង្កាត់កំពង់ស្វាយ ក្រុងសីរីសោ័ណ ខេត្តបន្ទាយមានជ័យ រួចបញ្ជូនមកតុលាការដើម្បីចាត់ការទៅតាមនិតិវិធីច្បាប់។
លោក អ៊ុង វីរៈ នាយសង្កាត់រដ្ឋបាលព្រៃឈើក្រុងសិរីសោភ័ណនិងស្រុកព្រះនេត្រព្រះបានឲ្យដឹងថារថយន្តដែលលួចដឹកឈើក្រញូងសមិត្ថកិច្ចបង្ក្រាបនោះគឺរថយន្តកាម៉ារីបាឡែនផលិតនៅឆ្នាំ២០០៦ព៌ណប្រផះគ្មានស្លាកលេខក្រោយពីសមិត្តកិច្ចស្ទាក់់ចាប់បានហើយអ្នកបើកបរឈ្មោះម៉ៅឃឺតប្រុសអាយុ២៥ឆ្នាំគេចខ្លួនបាត់។
លោក អ៊ុង វីរៈ បាននិយាយបន្តតទៀតថា លុះនៅព្រឹកថ្ងៃទី១៦ខែធ្នូឆ្នាំ២០១៥លោកផាន់ភិរម្យព្រះរាជអាជ្ញារងខេត្តបន្ទាយមានជ័យនិងមន្ត្រីជំនាយមេព្រៃ និងមន្ត្រីនគបាលសេដ្ឋកិច្ចបានធ្វើការត្រួតពិនិត្យនិងឆែកឆេក្នុងរថយន្តនោះបានរកឃើញឈើក្រញូងចំនួន៩៥ដុំស្មើ១០៥៩គីឡូក្រាមហើយឈើក្រញូងទាំងអស់នោះត្រូវបានយកទៅរក្សាទុកនៅតុលាការដើម្បីចាត់ការទៅតាមនិតិវិធីច្បាប់ទៅថ្ងៃក្រោយ។
លោកអ៊ុងវីរះបានបញ្ជាក់ទៀតថារថយន្តកាម៉ារីលួចដឹកឈើក្រញូងនេះកំលាំងរដ្ឋបាលព្រៃឈើបានធ្វើការស្រាវជ្រាវជាយូរថ្ងៃមកហើយទើបថ្ងៃទី១៥ខៃធ្នូឆ្នាំ២០១៥លោកសុំយោបល់ពីព្រះរាជអាជ្ញាចុះសហការណ៍ជាមួយនគបាលសេដ្ឋកិច្ចចុះបង្ក្រាបរថយន្តកាមរីដែលលួចដឹកឈើក្រញូងនៅចំណុចកើតហេតុបានតែម្តង។
លោកបានបញ្ជាក់ទៀតថាបច្ចុប្បន្នសមិត្តកិច្ចកំពុងស្វែងរកតាមចាប់ម្ចាស់ដឹកឈើក្រញូងយកមកដាក់ទោសទៅតាមផ្លូវច្បាប់៕
