ខេត្តឧត្តរមានជយ័៖ នៅព្រឹកថ្ងៃទី ១៣ខែធ្នូ ឆ្នាំ ២០១៥ នៅទីស្នាក់ការបក្សប្រជាជន ខេត្តឧត្តរមានជយ័ បានបើកប្រជុំបូកសរុបលទ្ធផលការងារឆ្នាំ២០១៥ និងដាក់ចេញផែនការបន្តឆ្នាំ២០១៦ដើម្បីពង្រឹងការងារបក្សតាមមូលដ្ឋានកាន់តែខ្លាំងឡើងក្រោមអអិបតីភាព លោក គន់គីម សម្មាជិកអចិន្រៃ្តគណកម្មាធិការកណ្តាល និងជាប្រធានក្រុមការងារគណបក្សប្រជាជនកម្ពុជា ចុះជួយមូលដ្ឋានខេត្តឧត្តរមានជយ័ លោក ស ថាវី និងថ្នាក់ដឹកនាំមួយចំនួនទៀត ។
ជាមួយគ្នានេះដែរ ត្រូវបន្តខិតខំអនុវត្ត គោលនយោបាយភូមិឃុំមានសវត្ថិភាពអោយបានល្អ ដែលជាកត្តាដ៏សំខាន់ ផ្តល់នៅភាពសុខសាន្តដល់ការរស់នៅរបស់ប្រជាពលរដ្ឋ និងមានជំនឿជាក់មុតមាំ ថែមទៀត មកលើការដឹកនាំរបស់គណបក្សពិសេស សម្តេចប្រមុខដឹកនាំបក្សនិងរាជរដ្ឋាភិបាលដែលមានសម្តេចអគ្គមហាសេនាបតីតេជោហ៊ុន សែន ជាប្រមុខដើម្បីដឹកនាំរាជរដ្ឋាភិបាលបន្តសម្រាប់អាណត្តិក្រោយទៀត ។
តាមសេចក្តីរាយការណ៍របស់គណបក្សខេត្តបានលើកឡើងពីកិច្ចខិតខំប្រឹងប្រែងនិងសមិទ្ធផលជាច្រើនដែលក្រុមមន្ត្រីគណបក្សប្រជាជនគ្រប់ថ្នាក់បានអនុវត្តនិងសម្រេចបានកន្លងមកជាមួយនិងមេរៀនបទពិសោធន៍ដែលទទួលបានការងារជាក់ស្តែង ហើយដែលធ្វើអោយគណបក្សប្រជាជនកាន់តែត្រូវបានពង្រឹងជាបន្តបន្ទាប់ទាំងអបរំនយោបាយការចាត់តាំង និងការងារផ្សេងៗ ទៀត ធ្វើអោយគណបក្សទទួលបានការគ្រាំទ្រកាន់តែមានចំនួនច្រើនឡើង ។
មានប្រសាសន៍ក្នុងឱកាសនោៈ លោក គន់ គីមបានផ្តាំផ្ញើរដល់ថ្នាក់ដឹកនាំសមាជិកបក្សទាំងអស់ត្រូវបន្តពង្រឹងធ្លុងសាម្គូភាពអោយល្អថែមទៀត ហើយត្រូវហ៊ានប្រឈមមុខពុះពារការពារគ្រប់យ៉ាងដើម្បីផលប្រយោជន៍ប្រជាជន ៕
